Diidxaꞌ ndaayaꞌ ra rinabaꞌ binni Diuxi gacané laa
Ni gudixhe xaique xtiꞌ ca binni ruundaꞌ, ra xhidxi ca yagalé. Ni gudixhe David gacaꞌ, dxi ca binniguidxi Zif yetidixicaꞌ Saúl: «Ñee cadi huacaachilú David ládedu la?»
54
¡Diuxi ni bizáꞌ naa,
bilá naa ne láluꞌ!
¡Gupa naa ne stipa roꞌ xtiluꞌ!
2 Diuxi ni bizáꞌ naa,
bicaadiaga ca ndaayaꞌ xtinneꞌ;
bicaadiaga ca diidxaꞌ ni guiree ruaaꞌ,
3 tí ca binni ni ruchá bi yanni ne naduxhuꞌ biásacaꞌ luguiaꞌyaꞌ,
racaláꞌdxicaꞌ guuticaꞌ naa.
¡Qué gánnacaꞌ pa nuu Diuxi!
4 Huaxa Diuxi,
racané naa;
ne laabe rudiibe naa guendanabani.
5-6 Guiráꞌ guendanadxabaꞌ nuucabe gúnicabeꞌ naa la?
Diuxi zudxiguetani luguiácabe.
¡Tata Diuxi,
bixuuxe laacabe,
purtiꞌ lii qué rucheeneuꞌ laadu!
Naa zudieeꞌ lii xindxaa ndaayaꞌ ni riale de naa,
ne zanaxhieeꞌ láluꞌ purtiꞌ nacháꞌhuiluꞌ,
7 purtiꞌ lii guxhaluꞌ guiráꞌ ca xizaa xtinneꞌ
ne gudiñeyuluꞌ guiráꞌ ca ni nanalaꞌdxiꞌ naa.