REVELESEN
Jon ere nugsik tuknakap lan Krais ere erne yuri tete wos peteram.
Kiyi late tuma.
Gwote siglou Jon eter bas rasem. God ere Jon erne wos nogwape peteram, Jon ere lamkap ere bas rasen Kristen tatame emne newopitim.
Ete yabel tame nogwape eme Kristen tatame emne yaper nenbetem. Yaper nenbetem, Kristen eme Jon eri siglou lam, eme mureken tem.
Jon ere nugsik tuknalabekap lam, God ere erne wos nogwape peteram. Yurik tete woskap ere erne akei peteram. Yuri God eteri peiktame emne akei ere teitkwunte. Satan erne kir ere teitkwunte. Jisas erne kenawaike abobe tatame ere emne sene peten eme God eteri kom yenbok yin tete. Etek yin tete, eme tokwo yenbo pette, eme noub som temente.
Jon ere bas rasem tuma gwo.
Sapta 1–3. Jisas Krais ere 7-pela komri Kristen tatame etemne newopitim siglou.
Sapta 4–11. Sipsip Yen ere Hevenke tetan siglou ogwomke, yapersaper wos eme gwote nowselri tatame etemke tem.
Sapta 12–20. Satan ere eteri wakse etemken yaperwai tem.
Sapta 21–22. God ere nogwape wos ager sene nenem.