Tuyuweita kustumi
7
Asui aintauyumuatiri Jesus ipiri kuaita farizewita yepeyepe umpinimawaita yuiri uriwaita Jeruzalẽ sui 2 Asui aintaumaa umbuewaita yepeyepe aintaumbau tiaintaumuyasuka aintaipu. 3 Nyãse kuaita farizewita kuaita yuiri judewita aintaumaite puranga tuyuweita kustumi tiaintaumbau tirame aintaumuyasuka aintaipu. 4 Aintauruyari siya tuyuweita kustumi tiaintaupuderi aintaumbau aintauyuiri rire aintaupiripanawerawaa sui tirame aintaumuyasuka puranga, aintaurikute aintaumuyasuka puranga kupu panye aintakamuti yuiri aintapanela yuiri. 5 Asui kuaita farizewita umpinimawaita yuiri aintaupurandu Jesus:—Marantaa tiaintauruyari tuyuweita kustumi kuaita rembuewaita maa aintaumbau tiaintaumuyasuka aintaipu? 6 Usuaxara ainta:
—Supiwa umbeu perese kua Izaia penye ugananiwaita, umpinima, kuaita miraita aintaumbeu purangawaa serese aintayuru irumuntu maa apekatu aintaumanduarisawa sesui. 7 Tenyuntu aintaumee ixe arama purangawaa, aintaumbue apigawaita inyenga kuaye Deus inyenga yawe. 8 Asui Jesus unyee ainta supe:
—Tiana maa rese peiku isui Deus umbeuwaa maa suuri pemanduari apigawaita inyenga. 9 Asui umbeu xinga ainta supe arama:
—Ukuawaita yawe penye pexari pesui Deus umbeuwaa peruyari arama peramunyaita kustumi. 10 Nyãse Muize unyee: "Rerespetari puranga nepaya nemaya yuiri, asui awa umbeu puxi ipaya supe imaya supe yuiri pexari aintauyuká ae." 11 Maa penye pembeu:
—Yepe apigawa umbeu rame ipaya supe imaya supe yuiri kua peputariwaa seirumu Kurbã kuri ae yawesawa hameewaa kuri Deus supe. 12 Maa umbaa xingate pexari aintaumunya puranga aintapaya supe aintamaya supe yuiri. 13 Pemutenyuntuwara kua Deus inyenga penyenga irumu pembuewaa, siya xinga pemunya kuaye kua pemunyawaa yawe. 14 Asui umuatiri yuiri kuaita miraita siyawaita, unyee ainta supe arama:
—Pesendu ixe arama muiri penye pekuawa arama ae. 15 Timaa nungara uwike aintayuru upe kuaita miraita umuaiwa arama ainta, maa panye kua usemuwaa aintayuru sui umuaiwa ainta. 16 Awa uriku iapisa kuara urikute usendu. 17 Uwike irumu uka kiti uxari kuaita siyawaita, asui umbuewaita upurandu isui sese kua inyenga umbue arama ipupe. 18 Asui unyee ainta supe:
—Maitaa penye tiwaita ukuawa? Maitaa tiserá pekuawa kua uwikewaa miraita yuru upe tiumuaiwa ainta? 19 Nyãse tiuwike aintapia kiti maa uwike aintamarika kiti asui usemu aintasui. Yawe uxari aintaukuawa purangate yambau panye maa. 20 Nyãse kua usemuwaa miraita ipia sui umuaiwa ainta. 21 Nyãse aintapia upe aintaumanduari puxuwera kuaita miraita, warixi ainta, aintaumunda, aintauyuká mira yuiri, aintauxari aintarimiriku aintausikari arama amu, 22 Aintaumuasi, aintaumunya panye puxuwera, aintauganani, aintaukuawa pukusawa, aintaumuasi amuita ukuawasawa, aintaupurungita marandua, aintauputari aintaumuserana, tiaintaukuawa aintaumanduari. 23 Asui panye kua puxuwerawa usemu miraita ipia sui asui umuaiwa ainta.
Kunya Sirufenisia suiwara
24 Asui upuamu usu Tiru kiti, ape uiku yepe uka upe tiuputari miraita ukuawa aikue ae, maa tiupuderi uyumimi aintasui. 25 Ape yepe kunya imembira uriku demuniu ikiawaa ipia upe usendu sesewara uri ipiri uyawika ipi ruaki. 26 Aete kua kunya greguwaa ae Sirufenisia suiwara, upurandu Jesus umburi arama demuniu imembira sui. 27 Maa Jesus unyee ixupe:
—Rexari aintaumbau primeru kuaita tainaita, tipuranga yayuka tainaita sui aintameyu yamburi arama yawara miri supe. 28 Maa usuaxara ae:
—Supiwa seruixawa, maa kuaita yawara mirita aintaumbau tainaita umukukuiwaa meza wira kiti. 29 Asui unyee ixupe:
—Sesewara kua nyenga rembeuwaa repuderi reyuiri nyãse demuniu usemuana nembira sui. 30 Asui uyuiriana suka kiti uwasemu imembira uyenu kama upe nyãse demuniu usuana isui.
Umukaturu iapisaimawaa gaguwaa
—Efata, yawesawa reyupirari. 35 Asui uyupirariana iapisa kuara iapeku uyurawana, asui upurungita puranga. 36 Asui umundu ainta tiarama aintaumbeu sesewara maa kirimbawa piri aintaumbeu sesewara. 37 Asui kirimbawa aintaakayemu aintaumaa, aintaunyee:
—Purangawaa umbue uxari iapisaimawaita usendu uxari aintaupurungita kuaita gaguwaita.