—Kuaita iwaka ruixawa imiraita aintayawe kuaita dezi kunyamukuita aintaupisika aintalamparina aintausu arama aintausuanti kua nuivu. 2 Sinku tiwaita ukuawa ara, sinkute ukuawawaita. 3 Kuaita tiwaita ukuawa ara aintaurasu aintalamparina maa tiaintaurasu keruzeni aintairumu. 4 Maa kuaita ukuawawaita aintaurasu aintalamparina keruzeni yuiri siru upe. 5 Asui uikupuku xinga uri kua nuivu asui tipusi usika aintarese asui aintaukiri panye. 6 Asui pituna piterupi aintausasemu, aintaunyee:

—Aikue uri kua nuivu pesuana pesuanti ae. 7 Asui aintaupuamu kuaita kunyamukuita aintaumukaturu aintalamparina. 8 Asui kuaita tiwaita ukuawa aintaunyee ukuawawaita supe:

—Pemee yande arama keruzeni nyãse upawana yanesui. 9 Maa kuaita ukuawawaita aintaumbeu ainta supe:

—Umbaa, yawaite tiusika yande arama penye arama yuiri, maa pesu aintapiri kuaita uvenderiwaita pepiripana arama penye arama. 10 Asui aintausu irumure aintaupiripana aintayara arama usikana kua nuivu asui aintauwike irumu aintauyumuatiriwaa upe kazamentu rupiara kuaita usaruwaita ae, asui aintausikindawa ukena. 11 Asui aintarakakuera aintauri kuaita amuita kunyamukuita tiwaita ukuawa aintaumbeu:

—Yaneruixawa, yaneruixawa repirari yande arama ukena yawike arama. 12 Maa umbeu ainta supe:

—Supiwa hambeu penye tihakunyeseri penye. 13 Ape pesaru puranga ae nyãse tipekuawa maa ara upetaa uri nẽ pekuawa maa ura upetaa uri.

14 Umunya kuri iyawe kua apigawa usuwaa apekatu kiti, usu rundere usenui upurakisaraita ipiri uxari arama aintausaru imaa. 15 Asui umee sinku dinyeru amu supe, asui umee mukuĩ dinyeru amu supe, asui umee yepe dinyeru amu supe kuaye aintaupuderiwaa yawe, asui usuana aintasui apekatu kiti. 16 Aramete kua upisikawaa sinku dinyeru usu unegusiari ipupe asui uganyari sinku dinyeru ipupe. 17 Asui yawete umunya kua upisikawaa mukuĩ dinyeru ape uganyari mukuĩ dinyeru ipupe. 18 Asui kua upisikawaa yepe dinyeru usu upikuĩ iwi uyumimi arama suixawa dinyeru iwi upe. 19 Asui uikupuku xinga uri kua aintaruixawa kuaita upurakiwaita umunya arama aintakunta. 20 Ape uri kua upisikawaa sinku dinyeru uxari ixupe sinku umbeu ixupe:

—Seruixawa rexariana ixe arama kua sinku dinyeru kuiri remaa kuaita haganyariwaa irumu sinkute yuiri. 21 Asui suixawa umbeu ixupe:

—Inde upurakiwaa ixe arama purangawaa, puranga remunya ixe arama resarute puranga kua kuairawaa haxariwaa resaru ape kuri haxari resaru seyaraita siyawaita. Kuiri rewike rewapika suuri neruixawa irumu. 22 Asui uri yuiri suixawa ipiri kua upisikawaa mukuĩ dinyeru umbeu ixupe:

—Seruixawa rexariana ixe arama mukuĩ dinyeru asui remaa kuaita mukuĩ haganyariwaa. 23 Asui suixawa umbeu ixupe:

—Inde upurakiwaa ixe arama purangawaa, puranga remunya ixe arama, resaruana puranga kua kuairawaa haxariwaa resaru, ape kuri haxari resaru seyaraita siyawaita. Kuiri rewike rewapika suuri neruixawa irumu. 24 Asui uri kua upisikawaa yepe dinyeru umbeu ixupe:

—Seruixawa, hakuawate apigawa kirimbawawaa inde, hakuawate repuu kuaita tiwaita reyutima, hakuawate remuatiri kuaita tiwaita remunuka. 25 Ape hasikie resewara nesui hayumimi nedinyeru iwi upe. Xukui hamuyuiri inde arama neyara. 26 Asui suixawa umbeu ixupe:

—Inde upurakiwaa puxuwerawa, inde yatima mayawaa. Rekuawate hapuu kua tiwa hayutima, rekuawate hamuatiri kua tiwa hamunuka. 27 Ape purangate reruri ae ainta supe kuaita usaruwaita dinyeru, asui hayuiri rame maa hayuka uganyariwaa irumu kua seyara. 28 Ape peyuka isui kua yepe dinyeru pexari arama ixupe ae kua urikuwaa dezi dinyeru. 29 Nyãse panye kua urikuwaa uriku kuri turusu piri, uriku kuri turusu piri isui kua uputariwaa. Asui kua tiwa uriku aintauyuka kuri isui kua urikuwaa yepe. 30 Asui pemburi yanesui kua upurakiwaa tiwa maa arama pitunawasu kiti, ape kuri aintauyaxiu aintausuu aintaranya.

31 Asui Jesus unyee:

—Uri rame kuri umuturi kuri yanerese purangawaa irumu kua unaseriwaa umaa kua ara aintauri yuiri kuri irumu kuaita anjuita purangawaita asui uwapika kuri itrunu upe igluria irumu. 32 Asui aintauyumuatiri kuri umaa arama muiri kuaita mundu puraita asui umutirika kuri yepeyepe amuita sui kuaye usaruwaa uvelya umutirikawaa yawe kuaita kabritu uvelya sui. 33 Yawete yuiri kuri uxari iuvelyaita upuamu ikatusawa sui asui uxari kuri yuiri kabrituita upuamu ikanyuntu sui. 34 Asui kua yaneruixawa umbeu ainta supe kuaita upuamuwaita ikatusawa upe:

—Peyuiriana penye sepaya uabensuariwaita pewike perendawa kiti hamunyawaa penye arama ara rundere. 35 Kuxima hapurara yumãsi asui pexari hambau arama, kuxima seisi asui pexari hau arama ii, kuxima hayuiri pepiri apekatu sui asui pesuanti ixe puranga. 36 Kuxima rupaima ixe asui pexari ixe arama serupa arama, kuxima mãsi upisika ixe asui peajudari ixe, kuxima aintaumprezu ixe asui peyuiri pemaa sepiri. 37 Asui kuri aintaunyee ixupe kuaita purangawaita:

—Inde yaneruixawa mairame kuerataa yaxari rembauwaa arama repurara rame yumãsi? Mairame kuerataa yamee reu arama ii neisi rame reiku? 38 Mairame kuerataa yasuanti inde reyuiri irumu apekatu sui? Mairame kuerataa yaxari inde arama nerupa rupaima rame inde? 39 Mairame kuerataa yasu yamaa inde nemãsi rame reiku, aintaumprezu rame yuiri inde? 40 Asuiwana kuri kua yaneruixawa umbeu ainta supe:

—Supiwa hambeu penye arama, kua pemunyawaa ainta supe kuaita semu ipuiwaita pemunya yuiri ixe arama. 41 Asuiwana kuri umbeu ainta supe, kuaita upuamuwaita ikanyuntu sui:

—Penye hambeuwaita perese puxuwera, pesuana sesui tata kiti nunkawaa uweu kiti hamunyawaa ixupe kua Yurupari idemuniwita supe yuiri. 42 Maa hapurara rame kuera yumãsi tipemee hambau arama, seisi rame haiku kuera tipemee hau arama ii. 43 Hayuiri pepiri apekatu sui maa timaa pesuanti ixe, rupaima rame kuera ixe tipemee ixe arama serupa arama, semãsi rame kuera ixe aintaumprezu rame kuera ixe maa tipeyuiri pemaa sepiri. 44 Asuiwana kuri aintaumbeu ixupe:

—Yaneruixawa mairame kuerataa tiyawajudari inde repurara rame reiku yumãsi, neisi rame yuiri, apekatu suiwara inde, nerupaima rame inde, nemãsi rame inde aintaumprezu rame inde? 45 Asuiwana kuri umbeu ainta supe:

—Supiwa hambeu penye, kua tiwa pemunya ainta supe kuaita ipuiwaita tiyuiri pemunya ixe arama. 46 Asuiwana kuri aintaupurara yawewarawate, maa kuaita purangawaita aintauwike kuri ara nunkawaa upawa kiti.