Njon ngê pweepwee pee m꞉uu d꞉êê ngê, Yesu u yoo knî ye p꞉aa ngmê dy꞉ââ ngê, ngmênê yi p꞉aani u pi daa d꞉êê ngê. Yi p꞉aani pyââ ngê pyódu ngê, ala kópu yi d꞉êê ngê, yepê, Mw꞉ââkó a ch꞉am ghee knî. Ala pweepwee pee yedê nd꞉uu dini ghi n꞉ii ngê doo tpapê, kwéli doo ya, Yesu u yoo yélini y꞉i doo kwo, yi p꞉uu doo d꞉êê, ngmênê ala kópu d꞉êê ngê, M̱wó tp꞉oo módó tp꞉oo mââ knî y꞉oo yi mb꞉aamb꞉aa nmye da dy꞉ââ ngmê.

Ala pweepwee pee yedê Yesu u yoo yi ng꞉aa dmi t꞉ângo, yepê, Pi dódó pyu yilî a m꞉ii, kîngê dóó nmyo, kn꞉aa máádi p꞉uu kîngê kaa nmyo. Ala Njon u pweepwee pee myomoni.