Timoti Lisitîda pi ngmê, p꞉aani n꞉ii Nkalásiya Wee u kwo a tóó. Dini ghi n꞉ii ngê Yesu ka kêlîmî mbê wo, Póól p꞉uu kele, (Dpodo 16:1-3) p꞉aani p꞉aani nipi dpîmon꞉aa dpodo. Dye ghi knî ngmê ngê Póól ngê Timoti kn꞉aa p꞉aani kn꞉aa p꞉aani dpîmo dyede, Yesu u yoo y꞉i dpîmon꞉aa wêdêwêdê kîgha dé. (1 Tesalonika 3:1-3, 1 Kódin 4:16-17) Dini ghi n꞉ii ngê Póól Lóma mbwa k꞉oo doon꞉aa kwo, (Dpodo 28:30-31) Timoti k꞉ii nipi dpîmon꞉aa ya.

Dini ghi n꞉ii ngê Póól mbwa k꞉oo pwii wo, Timoti k꞉ii p꞉aani p꞉aani mêdpîmon꞉aa dpodo. Epeso yi taa knopwo, Póól ngê y꞉i a kuwo ngê, kwo, Yesu u yoo chi wêdêwêdê kîgha dé. Yi ngwo Póól Másîdóniya Wee u kwo loo, ala pweepwee pee Timoti ka y꞉i mînê d꞉êê ngê.

U kuwó dini ghi ngê Timoti ka pweepwee pee m꞉uu a d꞉êê ngê, u pi 2 Timoti.