Kódin tpémi y꞉oo Yesu u pi ghêlî daangê ny꞉ee ngópu, Póól Kódin yi loo, Yesu u pi u ngwo mî ny꞉ee ngópu, woni knî Yesu u yoo vy꞉o u ngwo ghê dniye. Nju pi daa yilî Yesu u yoo vy꞉o ghê dniye, ngmênê yélini daa Nju tpémi, Yesu u yoo vy꞉o vyîlo yi ghê dniye. Yi danêmbum puku yedê mye tóó, Dpodo 18:1-17.

U kuwó dini ghi ngê Póól Epeso doon꞉aa ya. (Dpodo 19) U kuwó, kópu knî ngmê ngê Yesu u yoo a dyênê too, Kódin. Yoo woni dnye pyââ ti, myenté yi kada pini knî y꞉oo yoo chámê ngópu. Póól ngê yi kópu yi ny꞉ee too, ala pweepwee pee d꞉êê ngê, ye dy꞉ââ ngê. Ala pweepwee pee ghêlî daangê d꞉êê ngê, kn꞉aani mwiyé ngmê d꞉êê ngê, ye dy꞉ââ ngê, ngmênê yini nmî ngópu daa tóó, l꞉âmo a ngee ngópu.