Folo yana leta nagona TIMOTI againe
Bana Timoti Esiya ana fafali kalivana. Tamana kwanamiGilika tu hinana vinemiYuda. Folo yana lumamala-waliliuga anavelu againe Timoti givegidena be ginavebwaꞌuliyena. (Afositolo 16:1-3) Buye hinunudadana tu muliya Folo Timoti ana vehimeya givelena, higa tovetumagana adi yoꞌo Efeso againe ginaꞌitaveꞌavidi.
Hida leta againe Folo tovehawala veꞌalololodiyao faꞌidiya Timoti givenuwaꞌatana be higa miEfeso yadi vetumagana keke hinakivekoyoni. Kaduꞌe, toꞌekelesiya yadi tafalolo faꞌina gikivetuvetununa, ada ekelesiya adi tonagona tulina tulina gava huluva gava huluva adi lauboda ma gilukahihiyena. Kadu gava dewa Timoti Keliso yana tofaisewa tovetumagana adi yoꞌo hinafadiya gilubodana, medema faꞌina Folo giluꞌageyena. Leta dobona hidede amine.
Timoti ana lusiule. 1:1-2
Vehawala tunutunugina faꞌina. 1:3-20
Tafalolo ana dewa faꞌina. 2:1-15
Ekelesiya adi tonagona adi vehimeya ma. 3:1-16
Timoti tauna ana itaveꞌavina kadu yana vehawala faꞌina. 4:1-16
Timoti ana vehimeya tulina tulina tovetumagana adi yoꞌo adi itaveꞌavina againe ma. 5:1–6:21