Génesis Õꞌacʉ̃ cʉ̃ ucũse ojamʉꞌtãca pũrĩ niꞌi. Ne waro bajua, ninʉꞌcãꞌque cjasere wereri pũrĩ niꞌi. Génesis pʉaro dʉcawatiꞌi. Nimʉꞌtãrõ Õꞌacʉ̃ aꞌti nucũcã, ʉꞌmʉse bajurẽnʉꞌcãꞌque, tojo nicã masãrẽ cʉ̃ bajurẽnʉꞌcãꞌque cjasere wereꞌe. (Capítulos 1–11)

Õꞌacʉ̃ Abrahãrẽ “Mʉꞌʉ macʉ̃, mʉꞌʉ põꞌrã, mʉꞌʉ pãrãmerã nituriarã dia pajiri maa sumuto cjase nucũpori weronojõ pãjãrã nirãsama. Mʉꞌʉ meꞌrã nipeꞌtirã aꞌti nucũcãcjãrãrẽ añurõ waꞌacã weegʉti”, nicʉ niwĩ. Cʉ̃ “Tojo waꞌarosaꞌa” níꞌcaronojõ waꞌa, Abrahã pãrãmi nituriagʉpʉ Jesucristo nimi.

Abrahã, Isaa, Jacob, José na catiri ʉmʉco na weesetiꞌquere wereꞌe. Na nima ʉpʉtʉ ucũnoꞌrã Génesipʉre. (Capítulos 12–50)

Õꞌacʉ̃ Jacob wãmerẽ Israe dʉcayucʉ niwĩ. Jacob cʉ̃ wãmerẽ dʉcayu, cʉ̃ põꞌrã meꞌrã Israe curuacjãrã nʉꞌcãcãrã niwã. Ti curua nidecotiꞌi yujupʉ.

Aꞌti pũrĩ Génesire Moisé ojacʉ niwĩ.