‏11 ‏«‏مِن سِبَپلی سِوولِن، آزارلانان و ناحاق یِره هِر هیلی غیباتینگیز اِدیلِن ماحالی سیز خوشواقتسینگیز!‏ ‏12 شاتلانینگ، بِگِنینگ، سِبَبی آسماندا آلجاق سیلاغینگیز اولودیر.‏ سیزدِن اُنگ پیغامبارلار-دا شِیدیپ آزارلاندیلار.‏

‏13 ‏«‏سیز دونیَه‌نینگ دوزوسینگیز، اِمّا دوز طاغامینی ییتیرسه، اُندا اُل نَمه بیلِن دوزلانار؟ داشاری زینگلیپ، آیاق آشاغیندا دِپِلِنمِکدِن باشغا هیچ زادا یاراماز.‏

‏14 ‏«‏سیز دونیَه‌نینگ نوریسینگیز.‏ دِپه‌ده قورلان شَهری گوزگَپ بُلماز.‏ ‏15 چیراغی یاقیپ، قابینگ آشاغیندا قُییان دَلدیرلِر.‏ اُنی چیراغدانینگ اوستونده قُییاندیرلار، شُندا اُل اُیدَکیلِرینگ هِمِّسینه نور بِریَندیر.‏ ‏16 دِگمه، سیزینگ نورینگیز آداملارینگ اُوونده پارلاسین، شُندا اُلار قاوی ایشلِرینگیزی گُروپ، آسمانداقی آتانگیزی اُوسینلِر.‏

‏17 ‏«‏مانگا تُورات بیلِن پیغامبارلارینگ یازغیلارینی باطل اِتمَگَه گِلِندیر دییّپ گومَن اِتمَنگ.‏ مِن باطل اِتمَگَه دَل-ده، اُلاری یِرینه یِتیرمَگَه گِلدیم.‏ ‏18 سیزه دُغروسینی آیدیارین، آسمان بیلِن یِر گِچیپ گیتیانچا، هِمّه زات یِرینه یِتیَنچَه، تُورات‌دان یِکِجه حارپ-دا، بیر نُقتا-دا ییتمِز.‏ ‏19 شُنونگ اوچین هِم کیم بو دِستورلارینگ اینگ کیچیسیندِن بیرینی پُزسا و شِیله اِتمِگی باشغالارا اُورِتسه، اُل آسمانینگ پادیشاهلیغیندا اینگ کیچی حاساپلانار.‏ اِمّا کیم بولاری بِرجای اِدیپ، باشغالارا-دا اُورِتسه، اُل آسمانینگ پادیشاهلیغیندا اولی حاساپلانار.‏ ‏20 مِن سیزه شونی آیدیارین:‏ دُغرولیغینگیز دین عُلَمالارینگقی بیلِن فَریسی‌لِرینگکیدِن اولی بُلماسا، آسمانینگ پادیشاهلیغینا آصلا گیرمِرسینگیز.‏

‏21 ‏«‏سیز آتا-بابالاریمیزا:‏ ‏”‏آدام اُلدورمه، کیم آدام اُلدورسه، حُکومه سِزِوار بُلار“‏ آیدانلارینی اِشیدِنسینگیز.‏ ‏22 اِمّا مِن سیزه شونی آیدایین:‏ اُز دُغانینا قاهارلانان آدام هِم حُکومه سِزِوار بُلار.‏ کیم اُز دُغانینا ‏”‏سامسیق“‏ دییسه، اولی حُکومینه سِزِوار بُلار.‏ حتّیٰ هیچ کیم ‏”‏آحماق“‏ هِم دییمِسین، یُغسام دُوزاخینگ اُدونا سِزِوار بُلار.‏

‏23 ‏«‏شُنونگ اوچین قربانلیق جاییندا صاداقا بِرمَگه باریارقانگ، دُغانینگ سِندِن اُیکه-کینِسینینگ باردیغی یادینگا دوشسه، ‏24 قربانلیق جایینگ اُوونده قُی-دا، گیدیپ اُوونچَک دُغانینگ بیلِن یاراش.‏ سُنگرا گِلیپ، صاداقانگی هُدورله.‏

‏25 ‏«‏سِن داعواچینگ بیلِن هِنیز یُلدا باریارقانگ یاراش، یُغسام اُل سِنی قاضییا، قاضی هِم زیندان ساقچیسینا تابشیرایماسین.‏ شِیدیپ، سِن زیندانا دوشمِگینگ آخمال.‏ ‏26 سانگا دُغروسینی آیدیارین، اینگ آخیرقیجا سِکّه‌نگی تُلِیَنچَنگ، اُل یِردِن آصلا چیقمارسینگ.‏

‏27 ‏«‏سیز:‏ ‏”‏زینا اِتمه“‏ آیدانلارینی اِشیدِنسینگیز.‏ ‏28 اِمّا مِن سیزه، بیر آیالا هُوِس بیلِن باقان آدام اُز یورِگینده اِییَم اُنونگ بیلِن زینا اِدِندیر دییَّرین.‏ ‏29 ساغ گُزونگ سِنینگ گونَه اِتمِگینگه سِبَپ بُلسا، اُنی سُغروپ چیقار.‏ بیر بُلِک بِدِنینگ یُق بُلماغی هِمّه بِدِنینگ دُوزاخا زینگیلماغیندان قاوودیر.‏ ‏30 ساغ اِلینگ سِنینگ گونَه اِتمِگینگه سِبَپ بُلسا، اُنی چاپیپ زینگ.‏ بیر بُلِک بِدِنینگ یُق بُلماغی هِمّه بِدِنینگ دُوزاخا زینگیلماغیندان قاوودیر.‏

‏31 ‏«‏شِیله هِم:‏ ‏”‏کیم آیالینی کُووپ گُیبِرسه، اُنگا طالاق نامه‌سینی بِرسین“‏ آیدیلاندیر.‏ ‏32 اِمّا مِن سیزه دییَّرین، هِر کیم زینادان باشغا سِبَپ بیلِن آیالینی طالاق بِرِن آدام اُنونگ زینا اِتمِگینه سِبَپ بُلیاندیر.‏ طالاق آلان آیال بیلِن اُیلِنِن آدام هِم زینا اِدیَندیر.‏

‏33 ‏«‏سیز یِنه قادیمقیلارا:‏ ‏”‏یالاندان قاسام ایچمه، اِمّا خودایینگ اُوونده ایچِن قاساملارینگی بِرجای اِت“‏ آیدانلارینی هِم اِشیدِنسینگیز.‏ ‏34 اِمّا مِن سیزه آصلا قاسام ایچمَنگ دییَّرین:‏ نه آسمانا، چونکی آسمان خودایینگ تاختیدیر؛ ‏35 نه یِره، چونکی یِر اُنونگ آیاقلارینینگ دوشِکدیر؛ نه-ده اورشلیمه، چونکی اُل بِییک پادیشاهنینگ شَهریدیر.‏ ‏36 اُز باشینگیزا هِم قاسام ایچمَنگ، سِبَبی سیز اُنونگ یِکه قیلینی-دا آق یا قارا اِدیپ بیلیَن دَلسینگیز.‏ ‏37 سیزینگ ‏”‏هاووانگیز“‏ هاووا، ‏”‏یُغونگیز“‏ یُق بُلسون.‏ موندان آرتیغی شِیطانداندیر.‏

‏38 ‏«‏سیز:‏ ‏”‏گُزه — گُز، دیشه — دیش“‏ آیدانلارینی اِشیدِنسینگیز.‏ ‏39 اِمّا مِن سیزه شونی آیدایین:‏ یامان آداما قارشی دورما.‏ سِنینگ ساغ یانگاغینگا اورانا، بِیلِکی یانگاغینگی-دا توت.‏ ‏40 سِنینگ بیلِن داعوالاشیپ، کُینِگینگی آلجاق بُلیانا دُنونگی-دا بِر.‏ ‏41 کیم سِنی اُزی بیلِن بیر کیلومِتر یُل یُریمَگه مِجبور اِتسه، سِن اُنونگ بیلِن ایکی کیلومِتر یُل یُری.‏ ‏42 دیلَنه — بِر، قارض دیلِیَندِن یوزونگی اُوورمه.‏

‏43 ‏«‏سیز:‏ ‏”‏هِمسایانگی سُی، دوشمانینگی ییگرِن“‏ آیدانلارینی هِم اِشیدِنسینگیز.‏ ‏44 اِمّا مِن سیزه شونی آیدایین:‏ دوشمانلارینگیزی سُیونگ، اُزونگیزی اِذیِت بِریَنلِر اوچین دُغا-دیلِگ اِدینگ.‏ ‏45 شُندا سیز آسمانداقی آتانگیزینگ اُغول‍لاریدیغینگیزی بِلّی اِدِرسینگیز.‏ آسمانداقی آتانگیز اُز گونِشینی یامانلارینگ و یاخشیلارینگ هِم اوستونه دُغدوریار، یاغمیرینی دُغریلارینگ و اِگریلِرینگ هِم اوستونه یاغدیریار.‏ ‏46 سیز اُزونگیزی سُییَنلِری سُییَن بُلسانگیز، اُندا نَمه سیلاق آلارسینگیز؟ مالییات آلیانچیلار-دا^* شِیله اِتمِیَرمی نَمه؟ ‏47 دینگه اُز دُستلارینگیزا سالام بِریَن بُلسانگیز، اُندا نَمه آرتیقماچ ایش اِدیَرسینگیز؟ بُت‌پَرَستلِر-ده شِیله اِتمِیَرمی؟ ‏48 شِیلِلیکده، آسمانداقی آتانگیزینگ کَمیل بُلشی یالی، سیز هِم کَمیل بُلونگ.‏»‏