HEBREOARE
jóaripũ
Cõãmacʉ̃ cʉ̃ʉ̃ macʉ̃mena basocáre wedeyigʉ
1
Too sʉgueropʉ Cõãmacʉ̃ cʉ̃ʉ̃yara profetamena marĩ ñecʉ̃sʉ̃mʉãrẽ wedeyigʉ;
sĩcãrĩ mee wedeyigʉ.
Cʉ̃ʉ̃ wederécõrõ merẽã dícʉ wederucuyigʉ.
2 Atitó niiture bʉrecorire cʉ̃ʉ̃ macʉ̃mena marĩrẽ wederigʉ niiwĩ.
Cõãmacʉ̃ cʉ̃ʉ̃ macʉ̃rẽ “niipetire mʉʉye pʉtʉáadacu” jĩĩyigʉ.
Cʉ̃ʉ̃menarã atibʉ́recore bauanéyigʉ.
3 Cʉ̃ʉ̃rã́ Cõãmacʉ̃ asibatére ãñurére cʉogʉ́ niiĩ.
Cʉ̃ʉ̃rã́ sũcã Cõãmacʉ̃biro niirecʉtiqui.
Cʉ̃ʉ̃ wedesere tutuare cʉorémena niipetire atibʉ́reco niirére ĩñanʉnʉsequi.
Marĩ ñañaré tiirére cosetóagʉ,
Cõãmacʉ̃ tutuanetõgʉ̃ pʉtopʉ diamacʉ̃́pe jeanuãjeayigʉ.
Cõãmacʉ̃ macʉ̃ ángelea nemorṍ ʉpʉtí macʉ̃ niiĩ
4 Cõãmacʉ̃ cʉ̃ʉ̃ macʉ̃rẽ Õpʉ̃ niirére sõnecoyigʉ.
Teero tiigʉ́,
ángelea nemorṍ ʉpʉtí macʉ̃ pʉtʉáyigʉ.
5 Cõãmacʉ̃ cʉ̃ʉ̃ macʉ̃rẽ biiro jĩĩyigʉ:
Mʉʉ yʉʉ macʉ̃ niiã.
Mecʉ̃ãmena yʉʉ mʉʉ pacʉ niirére masĩãdacua.a
Sĩcʉ̃ ángelere teero jĩĩriyigʉ.
Teero biiri cʉ̃ʉ̃ macʉ̃ye maquẽrẽ wedesegʉ,
biiro jĩĩyigʉ:
Yʉʉ cʉ̃ʉ̃ pacʉ niigʉ̃da.
Cʉ̃ʉ̃ yʉʉ macʉ̃ niigʉ̃daqui.b
Sĩcʉ̃ ángelere teero jĩĩriyigʉ.
6 Basocá sõwʉ̃ jĩĩgʉ̃́rẽ atibʉ́recopʉ ticodioconemorĩ,
cʉ̃ʉ̃ jĩĩãdarere biiro jóanoã:
Niipetira ángelea cʉ̃ʉ̃rẽ jeacũmu,
padeoáro,
Ángelea Cõãmacʉ̃rẽ padecotera niicua;
cʉ̃ʉ̃ dutirére tiirá,
wĩno tiiróbiro wáacua.
Cʉ̃́ãrã sũcã pecame tiiróbiro niicua.c
8 Cʉ̃ʉ̃ macʉ̃péreja biirope jóanoã:
Mʉʉ Cõãmacʉ̃ niiã;
mʉʉ Õpʉ̃ niiré petirícu.
Mʉʉ niipetirare diamacʉ̃́rã dutigʉdacu.
9 Mʉʉ diamacʉ̃́ tiirére booa;
netõnʉcã́repere booría.
Teero tiigʉ́,
Cõãmacʉ̃ mʉʉ Õpʉ̃ niigʉ̃́ mʉʉrẽ bese,
õpʉ̃ sõnecowi.
Mʉʉ menamacãrã nemorṍ mʉʉrẽ ʉsenire painemorõ ticowi,d
Basocá Õpʉ̃,
sicatopʉre mʉʉ basirora atibʉ́recore bauanéwʉ̃;
ʉ̃mʉã́se niirécãrẽ tiiwʉ́.
11 Mʉʉ tiirígue petijṍããdacu;
mʉʉpeja niirucujãgʉ̃dacu.
Niipetire mʉʉ tiirígue suti tiiróbiro bóadiaadacu.
12 Mʉʉ teeré suti tiiróbiro tuupégʉdacu.
Niipetire wasonóãdacu.
Mʉʉpeja wasorícu.
Mʉʉ catiré petirícu,e
Yáa wãmo diamacʉ̃́niñape duiya,
tée mʉʉrẽ ĩñatutirare mʉʉ dutiriguere yʉʉ ãñurõ yʉʉri tiirípʉ.f