Leta bwaite kana tolele esana Yuda na sauga tupwana siyogayan Yudasa. Bwaite Yudasane iya nige Yeisu ana tobenali yabo. Buki Tabu kana tokataiyao siba yakato letane bwaite kana tolele iya Yudasa bwaite Yeisu kanakava, Meli natuna yabo (Madiu 13:55). Iya tabe Yemesa, bwaimwa Yelusalema tomeliwo kali tobaguna kanakava (tomna 1).

Yuda leta bwaite ilele mwa iyawasa tomeli tupwaliyao kolili kaiwena toyakayakatai mwakomwakotali tupwali silusaeko ali boda luwali mena. Kabo Yuda iwaloba, “Nuwanuwagu yakabi-yakaiwemiu kwatolo kaiwe na Yeisu Keliso kana meli kaiwena wakaleya yo siya yakayakatai dudulaina sikalomagigilan kwawalo-yadudulaili. Meline Yaubada iwolena ana tomoyao kolili, mwa nige sowasowana tabui-keile.” (tomna 3)