O 65 kirismas to oah ee, vasuksuk in a peah hah pe Ieesuꞌ manuh pa vöön va kin, ke Jon kiun o kiun vaꞌih. A tëëm neꞌ to kinkiun non o kiun vëh, o teꞌ varih to vavatet ne e Ieesuꞌ nee to vakmis raoe ko vöknah ee pee. E Jon to iu non raoe se sun vakis ne po vaman, me pa vatet e Ieesuꞌ, ivëh, keꞌ kiun o kiun vaꞌih. Manih pa kiu pe Ieesuꞌ, e Sosoenën se komtön en po teꞌ to vakihat me ne poë, me e susun po oraꞌ hat. Ko nok vavih en po teꞌ varih to vavatet ne poë, pare hikta këh poë. Eꞌ a tah ne Jon to kiun suk po kiun vaꞌih.