Paulo meni Roma nate ena benai sora itise pas zoeto-zoeto gaenua. Zo Efeso emare, zo Kolosai emare, zo Filipai emare, zo Filimonre. Pas ei awa gita Efeso nate bayai azimara amire nata enira bayai garise gaenua. Pas emi Tuara dubu amira susu kerenitinowia. Nakai Tuara dubu awa te-wana tama ipu nuso awa; ota nu giti kopi nasokai. Nakai ibu nuso awa; ota nu ibura zasiwi. Nakai bama nuso ine awa; ota nu iu nasokai ine awa.