Petero na mai fefa vaḡa-ruaruana maki betaḡu Roma na etoreato. Etoreato laḡanina tu 65 ma 67 fakari nuḡanai ta, mo tu Iesu emaseto murinai. Petero tu mai fefa etoreato murinai vauro ḡebaru-seiriḡoato, benamo ḡevaḡiato.

Mai fefa nuḡanai siri baregori tu karoa 3:17-18.

Petero na mai fefa etoreato tauna korikori tu, 1) Barau ḡena tarima veaḡari bene vaḡa-naḡiri, be Barau korana-iaḡina veiḡari korikori beḡene veiri ḡana; 2) vevaḡa-riba tarimari ḡofaḡofari na beḡe ḡofa-darererini garina ekira-toreḡaurito; 3) riba korikorina Barau ḡenana eiaḡomani tu aiḡesina ema Satani na riba ḡofaḡofana evaḡa-raka-rosiani ribana tu aiḡesina, moḡeri ekiraḡi-foforirito; 4) Vereḡauka ḡena ḡaro ai Kota baregona beveḡabini moḡa ekiraḡi-fofori ginikauato.

Petero na mai fefa tu maiḡesina eboioḡaiato: