Paulo Ḡena Toretore Vaḡa-Ruaruana Korinto Ekalesiari Ḡeri
2 Korinto vaḡa-foforina guruḡari
Mai fefa vaḡa-ruaruana tu vevaḡa-gwaḡiḡi fefana Paulo na etoreato. Paulo na mai fefa tu Makedonia na Korinto ekalesiari etore-vinirito. Mai fefa tu laḡani 55 ema 57 fakari ai etoreato, mo tu Iesu maki emaseto murinai vau.
Mai fefa nuḡanai siri baregori tu karoa 1:3-4 ema 5:18.
Paulo na mai fefa etoreato korana tari tu maiḡeri: 1) Ḡofaḡofa tarimari na ḡia ḡena apostolo ḡauveina ḡevaḡa-rakavaia ḡetato-ḡoi moḡeri guruḡari eveito. 2) Ierusalemai Barau ḡena tarima veaḡari ḡetanuni moḡeri ḡeri moni tari beḡene tore-vegogo etato (9:1-5). 3) Mo ḡena fefa giniguinena monai mo vei-rakava tarimana ma beḡene ḡabi-raḡea e beḡene ura-vinia etato (2:5-11).
Paulo na mai fefa tu maiḡesina eboioḡaiato:
1. Ma veḡabi-sebona ḡenoḡoi guruḡari - karoa 1-7
2. Ierusalema ekalesiari varevare viniri guruḡari - karoa 8-9
m 3. Korinto nuḡanai apostolo tarimari ḡofaḡofari na Paulo ḡena apostolo ḡauveina ḡekira-rakavaiato nai, Paulo tauḡena evekiraḡi-maḡatato guruḡari - karoa 10-13