¿E hāꞌūꞌū te taina ki te ꞌāpōtoro?
9
Taꞌe a au he ꞌekaravo o te manaꞌu taŋata.
A au he ꞌāpōtoro.
Ko takeꞌa ꞌana,
paꞌi,
e au i a Ietū,
Pūꞌoko Haka Tere o tātou,
ꞌe hai aŋa nei i haka moe ai kōrua i te manaꞌu ꞌi ruŋa i a Ietū.
2 Ka ai atu a au taꞌe he ꞌāpōtoro mo te tētahi,
mo kōrua ꞌē-ē.
Hai kōrua,
paꞌi,
e takeꞌa ena he parautiꞌa mau ꞌā he ꞌāpōtoro a au.
3 He vānaŋa nei ꞌāꞌaku mo te nuꞌu kī i te tano ꞌo i te taꞌe tano o tāꞌaku aŋa pa he ꞌāpōtoro:
4 Te ꞌāpōtoro e tano rō ꞌā mo no-noꞌi hai meꞌe mo kai ꞌe hai meꞌe mo unu,
5 ꞌe mo maꞌu ꞌi muri i a rāua i te rāua viꞌe kiritiano,
pa he meꞌe aŋa e Tefa,
e te ŋā taina era o Ietū ꞌe e te tētahi ꞌāpōtoro.
6 ¿Pē nei hō te kī o kōrua:
ko māua ko Verenāvē mau nō te meꞌe mo taꞌe hāꞌūꞌū mai e te nūnaꞌa taŋata haka moe i te manaꞌu ꞌi ruŋa i a Ietū?
7 ¿Ko ai hō te kope aŋa pa he vaꞌehau ꞌauhau i a ia ꞌā?
¿Ko ai te kope ꞌoka vino taꞌe kai i tāꞌana vino ꞌoka?
ꞌE ¿ko ai te kope hāpaꞌo vato-vato taꞌe unu i te ū o tāꞌana vato-vato ana tatau?
8 ꞌIna kōrua ko manaꞌu:
te meꞌe nei he meꞌe taŋata mau nō;
e kī takoꞌa rō ꞌana,
paꞌi,
e te haka tere iŋa era ꞌa Mōtē.
9 E pāpaꞌi rō ꞌana ꞌi ruŋa i rā puka pē nei ē:
«ꞌIna ko here te ŋutu o te ꞌuei tiŋi-tiŋi tariko».
Taꞌe te ꞌAtua i kī ai i te meꞌe nei e manaꞌu ꞌā ꞌi ruŋa i te ꞌuei;
10 i manaꞌu ai mo tātou.
Te haka tere iŋa era ꞌa Mōtē,
paꞌi,
i pāpaꞌi ai mo te tātou riva-riva.
Te auraꞌa:
te kope ꞌārote i te henua ꞌe te kope tiŋi-tiŋi i te karu tariko e aŋa ꞌā i te rāua aŋa koia ko manaꞌu e ai takoꞌa rō to rāua o rā kai ꞌoka era.
11 A mātou ko ꞌoka ꞌana i te meꞌe o te Vārua Maitai ꞌi roto i te kōrua māhatu.
ꞌE ki te kōrua kī,
¿e ko tano a mātou mo no-noꞌi atu e tahi meꞌe ki a kōrua?
12 Mo ai e tano rō ꞌā mo hāꞌūꞌū o kōrua ki te tētahi,
ꞌata hau rō atu ia i te tano mo hāꞌūꞌū mai ki a mātou.
ꞌE,
ka ai atu pē ira,
ꞌina ꞌā a mātou kai no-noꞌi atu ꞌā e tahi meꞌe.
Te meꞌe aŋa e mātou he haꞌaoromaꞌi i te taꞌatoꞌa nō ꞌati ꞌo taꞌe haŋa te nuꞌu mo haka roŋo i te roŋo riva-riva o ruŋa i te Kiritō.
13 A kōrua e ꞌite rō ꞌana:
te nuꞌu aŋa mo te Kona Haꞌamuri ꞌAtua mai ira e ravaꞌa era i te meꞌe mo rāua mo kai.
Te auraꞌa:
te kope aŋa ꞌi te kona tūtia ꞌanimare e kai era hai kiko o rā tūtia.
14 Pē ira te kope haka ꞌite o ruŋa i te roŋo riva-riva o te ꞌAtua.
ꞌĀꞌana mau ꞌā,
paꞌi,
i kī:
hai rā meꞌe ana ravaꞌa mo kai.
15 ꞌE,
ka ai atu e tano rō ꞌana a au mo no-noꞌi atu,
ꞌina e tahi ōꞌoku mahana i no-noꞌi atu ki a kōrua,
ꞌe taꞌe a au e pāpaꞌi atu ena mo vaꞌai mai o kōrua e tahi meꞌe.
Mo vaꞌai mai o kōrua hai tara,
e ko tano haka ꞌou a au mo kī pē nei ē:
e haka ꞌite nei a au i te roŋo o te ꞌAtua taꞌe e ꞌauhau mai,
ꞌe i hau rō atu i te tano mōꞌoku mo mate ꞌi te maruaki ki te taꞌe kī haka ꞌou pē ira.
16 Taꞌe he meꞌe mo teꞌo-teꞌo e haka ꞌite e oho nei o ruŋa i te roŋo o te ꞌAtua;
he meꞌe mau ꞌā mo aŋa e au.
ꞌE,
¡ko te ꞌaroha mo taꞌe aŋa ōꞌoku pē ira!
17 ꞌĀhani hai manaꞌu mau ꞌā ōꞌoku e aŋa nei,
he tano ia mo ꞌauhau mai.
ꞌE,
mo ai he meꞌe mau ꞌā ꞌāꞌaku mo aŋa,
e haꞌatura ꞌana ia a au ki te meꞌe kī mai e te ꞌAtua.
18 ꞌE i ai era pē nei,
te ꞌauhau mōꞌoku he koa o te haka ꞌite o te oho i te roŋo riva-riva o te ꞌAtua taꞌe e ꞌauhau mai,
te auraꞌa,
ꞌina e tahi ꞌāꞌaku meꞌe no-noꞌi atu,
ka ai atu e tano rō ꞌana a au mo aŋa pē ira.
19 A au ka taꞌe ꞌekaravo o te kope e tahi,
ko haka ꞌekaravo ꞌana au i a au ki te taꞌatoꞌa mo ꞌata rahi o te taŋata haka moe i te manaꞌu ꞌi ruŋa i a Ietū.
20 E noho nei a au ꞌi roto i te hūrio,
he haka tere a au i a au pa he hūrio,
ki ravaꞌa ai mo haka huri i te rāua manaꞌu ki ruŋa i a Ietū;
te auraꞌa:
mo hāpī ōꞌoku i te nuꞌu maꞌu i te haka tere iŋa ꞌa Mōtē,
e haka tere takoꞌa a au i a au pē rāua,
ka ai atu e ꞌite rō ꞌana a au:
taꞌe hai haka tano ki te haka tere iŋa era o rāua e tano nei a au ki te mata o te ꞌAtua.
21 ꞌE mo ai ōꞌoku ꞌi roto i te nuꞌu taꞌe he hūrio taꞌe maꞌu i te haka tere iŋa ꞌa Mōtē,
he haka tere takoꞌa a au i a au pē rāua,
ki ravaꞌa ai i te rāveꞌa mo haka huri i te manaꞌu ki ruŋa i a Ietū.
Ka ai atu pē ira,
taꞌe a au e taꞌe haꞌatura ꞌā ki te roŋo o te ꞌAtua;
e haka tano e oho ꞌana i te roŋo o te Kiritō.
22 ꞌE ꞌi te hora ōꞌoku ꞌi roto i te nuꞌu kai hio-hio ꞌā te rāua haka moe iŋa i te manaꞌu ꞌi ruŋa i a Ietū,
he haka tere takoꞌa a au i a au pē rāua,
mo haka hio-hio i te rāua manaꞌu ꞌi ruŋa i a Ietū.
Te roa:
e haka tere nei a au i a au pa he taꞌatoꞌa nō,
he rāveꞌa e tahi mo haka eꞌa i te tētahi o rāua mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.
23 E aŋa nei a au i te meꞌe taꞌatoꞌa nei mo rahi mo oho o te nuꞌu haka moe i te rāua manaꞌu ꞌi ruŋa i te roŋo riva-riva o ruŋa i a Ietū,
ꞌe mo ai i a au ꞌe i te tētahi nuꞌu te meꞌe hōrea mai era e te ꞌAtua.
24 Ko ꞌite ꞌana a kōrua:
ꞌi te ꞌāꞌati tahuti,
taꞌatoꞌa e tahuti ena,
ꞌe ki te kope mau nō e tahi e topa ena te meꞌe vaꞌai ꞌo te tuꞌu raꞌe.
Pē ira kōrua ana meꞌe ꞌi te ara o te ꞌAtua:
e haka ꞌuhu e oho mo aŋa i te meꞌe haŋa o te ꞌAtua,
pa he kope haka ꞌuhu mo rē i te ꞌāꞌati,
ki topa atu ai ki a kōrua te meꞌe vaꞌai e ia.
25 Te nuꞌu ꞌāꞌati e hāpaꞌo rō ꞌana i a rāua mo te hora o te ꞌāꞌati.
E aŋa ena pē ira mo rē i te hei,
ꞌe rā hei e hopeꞌa era he mae-mae.
ꞌE,
a tātou e aŋa nei mo ravaꞌa i te meꞌe te hauhaꞌa e ko kore ki te hora hopeꞌa.
26 ꞌO ira a au e aŋa nei i tāꞌaku aŋa pa he kope ꞌāꞌati te meꞌe manaꞌu mau nō he tuꞌu ki te kona haka mao o te ꞌāꞌati,
ꞌe,
takoꞌa,
pa he kope moto ꞌina he haka māuꞌa i tōꞌona rima ana ava ki te rua.
27 ꞌIna a au he haꞌatiꞌa mo haka tere mai i a au e tōꞌoku hakari;
ꞌāꞌaku te haka tere ꞌo viri a au ki roto i te meꞌe taꞌe tano pohe e tōꞌoku hakari ꞌe ꞌo taꞌe ravaꞌa e au,
e te kope hāpī i te rua,
i te meꞌe vaꞌai e te ꞌAtua.