4
1 Patronkuna, qamkunapapis ciëluchömi patronnikikuna kaykan. Tsaymi esclävuykikunata alli rikar imachöpis yanapayänayki.a
2 Wawqikuna y panikuna, Tayta Diosta agradëcikur imaypis mañakuyay.b 3 Noqakunapäpis Tayta Diosta mañakuykuyällay Jesucristupa alli willakuyninta willakuyaptï shumaq chaskikuyänanpä. Tsay willakuyninta willakunqäpitam carcelchö wichqaraykä. 4 Tsaynölla mañakuykuyällay alli willakuyninta pïmaytapis shumaq tantiyatsinäpä.
5 Mana criyikuq runakunawan alli kawayay.c Allikunallata imaypis rurayay. 6 Piwanpis parlarqa alli shimillaykipa kushi kushilla parlapäyanki.
Carta ushanan
7 Kuyay wawqintsik Tíquicod chämurmi imanö kaykanqätapis willayäshunki. Paypis Señor Jesucristupa willakuqninmi kaykan. 8 Tsaymi payta mandaykämü imanö kaykanqätapis willayäshunaykipä. Paymi valuratsiyäshunki Tayta Diosman shumaq yärakuyänaykipä.e
9 Tíquicuwanmi Tayta Diosman yärakuq marka mayiki kuyay wawqintsik Onésimutapis mandaykämü. Paykunam willayäshunki kaychö ima päsanqankunatapis.
10 Noqawan prësu kaykaq wawqintsik Aristarcumg saludayämushunki. Tsaynöllam Bernabépa prïmunf Marcuspish saludayämushunki. Marcos chämuptin yätsinqänölla shumaq chaskiyay. 11 Tsaynöllam Justo niyanqan Jesúspis saludayämushunki. Aristarco, Marcos y Justum Tayta Diospa mandakuyninchö alli yanapayämar shumaq valuratsiyäman. Paykunallam Israel mayïkunapitaqa yanapayäman.
12 Jesucristupa sirviqnin marka mayikikuna Epafraspisi saludayämushunkim. Paymi llapan shonqunwan qamkunapä imaypis mañakuykan Tayta Dios munanqannö alli kawayänaykipä. 13 Qamkunapämi pasaypa llakikuykan. Tsaynöllam llakikuykan Laodiceachö y Hierápolischö kaykaq wawqikunapä y panikunapäpis.
14 Kuyanakuyanqä mëdicu Lucaswanj Demaspisk saludayämushunkim.
15 Laodiceachö kaykaq wawqikunata y panikunatapis saludaykuyällay. Tsaynölla saludaykuyällay Ninfasta y wayinchö qorikaq wawqikunata y panikunatapis.
16 Kay cartata liyiskir apatsiyanki Laodiceachöl kaykaq wawqikunaman y panikunaman paykunapis liyiyänanpä. Tsaynömi Laodiceaman apatsinqä cartata liyiskir paykunapis apatsiyämunqa qamkunapis liyiyänaykipä.
17 Wawqintsik Arquiputa niyanki: “Señor Jesucristo churashunqaykinö mana qelanaypa payta sirviy”.
18 Kay salüdütaqa kikïmi qellqamü.m Mana qonqayllapa Tayta Diosta mañakuyay prësu kaykanqäpita yarqamunäpä.
Tayta Dios llapaykikunata kuyapaykuyälläshuy. [Amén.]