Zacarías
Hageo willakunqan witsanmi Zacaríaspis Judá nacionchö willakurqan. Paymi Tayta Diosman kutiyänanpä runakunata valuratsirqan (Zac. 1.3-4). Mana Israel runakuna contran shäriyaptinpis Tayta Dios yanapanqantam willakurqan (Zac. 8.1-8). Profëta Hageo willakunqannöllam Tayta Diospa templunta yapay shäritsiyänanpä Zacaríaspis runakunata valuratsirqan (Zac. 8.9-13). Tsaynöllam maytsaychöpis Tayta Dios mandananpä kanqanta willakurqan (Zac. 14.9). Pitsqa pachak ishkay chunka (520) watanö Jesucristo manarä yuriptinmi Zacarías willakurqan.