Isaías qellqashqan witsanmi Asiria nación nunakuna Judá nacionta munëninchö tsarëta munayarqan. Tsëmi capïtulu 1-pita 39-yaq profëta Isaías qellqarqan nunakuna jutsata rurayashqanta jaqirir Teyta Diosllaman markäkuyänanpaq.

Isaíastam Teyta Dios revelarqan watakuna pasaptin Babilonia nacionpita soldädukuna shamur Jerusalénta ushakätsiyänanpaq kashqanta y wakin nunakunata Babiloniaman apakuyänanpaq kashqantapis. Tsëmi capïtulu 40-pita 55-yaq Isaías musyatsirqan mana llakikuyänanpaq kashqanta y Judá nacionman kutikuyänanpaq kashqanta. Jina musyatsirqanmi juk salvakuqta Teyta Dios kachamunanpaq kashqanta (Isa. 44.1–9. 52.13—53.12.

Capïtulu 56-pita 66-yaq Isaías qellqarqan Judáman kutiq nunakuna Teyta Dios munashqannöna kawayänanpaqmi. Tsënöllam qellqarqan mushuq patsa kananpaq kashqanta (Isa. 65.17–25.