<<    <     Kap     150     >    >> 
Yahwe niutumba titiŋdok
150
Yahwe niutumbanim! Bepaŋ Siloŋyotneŋ niutumbanim! Kunum gineŋ saŋiniŋŋiŋ wapum hatak, indi wendoktiŋa nadifooŋ nintilonim!
2 Adi kwanai wapuhi wapuhi tuguk, wendoktiŋa indi niutumbanim! Adi loloŋnit eŋ wougigitŋiŋdi lohinakaaŋ hatak.
3 Bai wapuhi fedila niutumbaneŋ, eŋ gita heki ulune mede momooŋ tobune niutumbaneŋ.
4 Tambalin ula kap miyeeŋ niutumbaneŋ, eŋ gita utneŋ eŋ bai feditneŋ, tiŋa wou nintiloneŋ.
5 Muwagea youlune gigilit tobune Yahwe niutumbaneŋ. Muwage u gibitaŋ youlune mede wapum tobune niutumbaneŋ.
6 Nemenemek hatihatihinit hogohogok, hidi Yahwe niutumbaneŋ!
Yahwe niutumbaneŋ!
© 2005, Wycliffe Bible Translators, Inc., Orlando, FL 35862-8200 USA (www.Wycliffe.org) — Visit www.ScriptureEarth.org/nop for more Scripture resources in Numanggang.