Pawl inalet kweitan nimug nein Kolinit, silma̱nin tayakelesiys ven towen bikakins asisinap kalbaleb. Wankuyeim mo ipiyaves asisinap kalbaleb; mapuna asisinap bwanabwein bulagan ikow Titos, inow Pawl waseg. Mapuna imwa̱saw Pawl, mo kwayuwein-vak silet ilel min-Kolinit pines.

Kweiboug mwasanin nag itams Pawl nakaleiwag waseg, mapuna ilel kwayuwein let towen, ikka̱nes. Anilivan-vak nilel silma̱nin muloul; ilana, “Mtowen Titos bikow mimuloul pines tasimavs tasiyas niyakelesiys Yelusalem waseg.”

Anilivan-vak nilel liva̱nen nawotet moumouvit, peinan itita̱vin, igeiguy bulagan Yeisuw, mapuna igeg a̱ban vena babaw waseg.