Cautera nǝ ban Yahuda ka à gilǝì ace nunkir aɓwana arǝ amǝ kanigir mǝ'nyirì mǝnana à twali ɓamuria ama amǝkwaɗi na ka. Aɓa mǝnia yì cautera mǝgbǝlǝmi, mǝnana agir ɓālǝi na kǝla mǝnana aɓa 2 Bitǝrus ka, Yahuda kǝ ɓakɓabum amǝkwaɗi ɓǝa kpapi ɓamuria “ɓǝa munǝ ace kǝ dokwaɗi mwashat ɓǝrɓǝr mǝnana Ɓakuli ci a ɓabu aɓwana male mǝnana tària ka.” Amǝno yì amǝ kanigir andǝ amǝ'ɓangna mǝ'ɗwanyi kpata Ɓakuli ka, à earnǝ do kiɗìkì acemǝnana ama Ɓakuli nǝ̀ twalia wia banì ka. Yahuda yinǝ agirkani aɓa Kurcau Mǝ'e andǝ amalǝmce mala amǝ Yahudi ace lǝmndǝ ama ɓashi nakam. Ace mani ka, ndanǝ ɓoaro ɓǝa ɓwana kwaɗita earcearǝu mala Ɓakuli aɓa kundǝ yiu mala Mǝtalabangŋo Yesu ɓe yi pea wia yilǝmu mǝnana málá male pà kàm raka. Cautera mǝnia ka yi masǝlǝi nǝ hiwi mǝnana lǝmndǝ ama Yesu ka nda Mǝtalabangŋo mǝ'mǝsǝcau nì andǝ tǝ́r amsǝban nǝmurǝì ɓǝrɓǝr.