Yagl Filemon i pirngi dungwa yagle ta, ye pirngi dingwa yomba tau bogl Kolosi kamun meglkwa. Ye nigl kongun yomba suwara ta kugl nongwa yaglmo kangiye Onesimus ana ye eremogl Filemon kunoglmo ta nendre teke ende ongwa. Ba ye Pol kandre te Pol kamambuno wakai dungo ana Onesimus nomane yake tongwa. Ana okuwo ye ende ikine Filemon moglmara enagledi prukwa.

Pepa i muno boglkwa yagle kangiye Pol. Yomba tau pirkwa ye buglayungu A.D. 60 mina ye pepa muno sungunagle i boglkwa.

Ka mem kande yegl pangwa: Pol pepa muno i bogl Filemon tongwa. Ana ye eremogl Onesimus angra kaima kamambuno wakai prume dindre kanwakai yei ana nigl kongun yoko yomba moglmedi pirkrambuka pre ana Pol pepa bogl tongwa. Ye pirngi kaima dungwa yagle. Ana epigl 10 ya 11 ya te 16 mina kano.