Jaꞌ an libro Marcos tiꞌ. Jix tzꞌibꞌelecan yet abꞌil 60 d.C. Jaꞌ naj Juan Marcos jix tzꞌibꞌencan bꞌey conobꞌ Roma. Jaꞌ chi yun kiloni tol jaꞌ jun libro tiꞌ bꞌabꞌel tzꞌibꞌchanaj tet an libro Mateo yetoj an libro Lucas. Jaꞌ jun libro tiꞌ chi yaltej tzet jix yun yel yich yal-le el watxꞌ skꞌaneal Jesucristo. Jaꞌ Jesucristo caw yel Scꞌaal Dios, ocnaj yin animail.

Jaꞌ naj jix tzꞌibꞌencan jun libro tiꞌ, jaꞌ naj chi alon canoj yet jix el yich yal-le watxꞌ kꞌane yu naj Juan Bautista bꞌey cusiltaj txꞌotxꞌ, jaꞌton chi yal capítulo 1:1-8. Jaxa capítulo 1:9-13 chi yaltej yu sbautismo Jesús. Jaꞌ capítulo 1:14 masantaꞌ bꞌey capítulo 9:50, jatuꞌ chi yal yet jix el yich smulnail Jesús bꞌey Galilea.

Caw miman cꞌal tzet jix el yuneni. Ey bꞌey tucꞌal jix yalaꞌ catuꞌ jix waꞌxi junoj tzetyetal yu Naj, yutol caw miman yipal Naj yibꞌan sley Moisés cꞌal yibꞌan ebꞌ demonio. Chi skeꞌ yakꞌon tan cu penail, yutol caw ey scamcꞌulal kin jaon ánima jon tiꞌ. Chi yalon cꞌal pax oj tol jaꞌ Cristo caw camcꞌulnebꞌil yu Dios. Jaxa capítulo 11: 1-11, jatuꞌ chi yalaꞌ tzet jix yun yapni Jesús bꞌey Jerusalén; jaxa capítulo 11:15-33, jatuꞌ chi yalaꞌ tzet jix ui. Jaxa capítulo 14:61-62, jatuꞌ chi skꞌanle naj yakꞌomal xaambꞌal ebꞌ ánima tet Dios, ta yel jaꞌ Jesús yuninal Dios. Jaxa capítulo 15:33; yetoj 16:1-19, jatuꞌ chi yalaꞌ tzet jix yun yoc camich yibꞌan Jesús, cꞌal yet jix pitzcꞌu pax aoj, yetoj cꞌal pax yet jix paxa bꞌey satcan.