Jems ni kiqam iri nas, ni nyamb Jud, di Jud ni nyumo raqe wen ur nindiq. Jud ningg nyumo raqe wen ni tughe nde ur nindiq kin te simbe nand segi. Ni wute wandoqi kin wand wute bei meny kin te ningg wu wand nand. Wute wandoqi kin wand wute bei meny kin men ni mari God ni nikin nde nei pene wute yuwon nuany kin tende pe beghi nitamu powi. Jud nari wand puch ven te nganye, pudi ni wand aye wandoqi kin te mari God ni beghi pugri nitamu powi, te ningg bu beghi segine yumbo ur brequ bad. Te ningg bu Jud wute simbe nindiny ei ni wute men kin ningg yeng ruwo yuwon di gre pu yeru di God nde rar pe yuwonne ei ris.