Obadia ere papia i bembeŋne jâmbâŋ, ombâŋne 21 sawa. Porofete e Judaŋic ŋokac gâcne sâko jaŋe Babe mâreŋko ra juhapie Jerusalem haeo ŋehuc juwec. Dâŋticne gâcne i Jeremiare papiao dâŋ bâfuaŋgopeneŋ (gaŋ 49) iŋucnea fokac. Irec fuŋne ʒiŋuc mecne fokac: Porofete e papia raŋɋane moc fowec i honehuc e jahac uŋdâŋ ʒuhuckerâ qâreŋkewec. Erâ e dâŋ i jara dameŋ 587 B. C. ira mecne qâreŋkewec. I Judaŋic jaŋere hae mâreŋ tâtieme Edomŋic jaŋe honerâ “sowine” muhuc bubiaŋ manambiŋte uŋ sawaŋ ejarewec hâcne. Erâ i sawa mâcne, Edomŋic jaŋere bâbâtiŋ dameŋ maickeocmu, uŋdâŋ iŋuc murâ ine Zioŋ tikio Jakobore kikefuŋzi mocwâc fuaocmu, irec findaŋdâŋ i mâmâc mu qâreŋ ewec.