SAMUE II
Ŋicwofuŋ sâko Dawidire binaŋ
Sam II 1–4. Dawidi e Heboroŋ haeo Judaŋic jaŋere ŋicwofuŋ juwec.
Sam II 5–8. Dawidi e Israe ŋic sasawa jaŋere ŋicwofuŋ âkendâŋnepie Jerusalem hae ro rauc erâ hae qizec‐ticne bawec.
Sam II 9–20. Dawidizi sindaŋ ewec, erâ tucticne qaqare ʒika fuawec.
Sam II 21–24. Dawidire dâŋ gâcne gâcne.
Dawidi e uucmaŋ‐ticnere râsifâc, uucmaŋ maŋnao me sahacnao jumbiŋ jaŋehec juju gie bahuc uucmaŋ‐ticne bâsokawec â basanaŋkewec. Ehame fuŋne‐ticne ʒiŋuc fua taniŋkewec: E Anutu manasiŋkewec, erâ erao qohotahuc juhame ŋicfâc‐ticne jaŋe manacnepie sâckeha araŋ bacnembiŋ. Ŋifec ine fuŋne‐ticne ʒiŋuc honeŋgopeneŋ: E wiac sindaŋne gâcne bâfuawec wâc. Mâc Wofuŋte porofete Nataŋzi fuŋne‐ticne ritume fâfârehuc sâqocne‐ticne mufuame Anuturaonec okacne fisicneme maname sâckewec.
Israe ŋic jaŋe Dawidi juju â eebapa‐ticnere manapie boc feha juku ʒâhec wiac hâhâwicne fua‐jareme ŋicwofuŋ biaŋne moc fua‐jareocte ejareha ʒiŋuc mujumbieŋ: “Dawidire ɋâric moc” fua‐nârerâ Dawidi e iŋucne junârezejec.