27
1-11 (-)Moisés Josuén israelita ainan apuri atii tusa anaikamu
12 Yuus Moisésan chicharuk: Nain Abiram tutaiya ai wakata, tumam israelita ainan nugkan susaruitaj nu iista. 13 Tumam nui wainkam, amesha amina yatsum Aarón jakauwa numamtuk jakam amina pataim ainajai iruuntrattame. 14 Atum jimartiram israelita aina aya nugkanmag nain Sinnum matsamsar kitamainak entsan seamainakaisha atumka wina chichamur umirtukchau ainarme, tusa tinaiti. 15 Tusa tama Moisés Yuusan chicharuk: 16-17 Wina apuru, ame etegkamu aina oveja nerennuri atsurmau asa, kuitamsacham matsammaina numamtuk matsamaraig, nitan yaigtin chikichik apu atin anaikata, tusa tinaiti. 18 Tutai Yuus Moisésan chicharuk: “Nuntan uchiri Josué, apu jas nina takamtikmain Wakan arawai. Tuma asamtai nina muuken uwejmijai antigta. 19 Turam sacerdote Eleazar pujamunam, tura ashi shuar aina emtin iwainakta. 20 Turakum ashi Israel shuar aina chichaman umirkarti tusam apumtikam apujsata. 21 Tura shuar ainan inartasa wakerakka sacerdote Eleazar pujamunam jeati. Tumamtai Eleazar Uriman egkea Yuus wari tawak tusa aujtatui. Turamtai Yuus Eleazaran ujattawai. Nu turam Eleazar Yuus timaun pachis Josuén tuke ujattawai, israelita ainanka Josué tu inatnaiti”, tusa tinaiti.