15 Yuus ememattasa iruuntain aakmakarua nui nagkama yuragmia numamtin Yuus ememattasa iruuntai aaknum utsaanar asauwaiti. Tura káshika jiya numamtin kea keakua tsawa jakuiti. 16 Yuus ememattasa iruuntai aaknumka tuke tuma jakuiti.

17 Yuus ememattasa iruuntai aaknum yuragmia numamtin utsaanar au takuni weakaigka israelita ainasha we jakaruiti. Antsu yuragkim wetsuk nuig asamtaigka nitasha wetsuk nuig matsama jakaruiti. 18 Israelita ainaka Yuus wetaarma tusa tama we jakaruiti, tura werpa tamaka we jakcharuiti. Tura yuragmia numamtincha wetsuk Yuus ememattasa iruuntai aaknum utsaanar ajakuiti. 19 Yuragmia numamtin wetsuk nukap tsawan Yuus ememattasa iruuntai aaknum utsaanar akaigka, israelita ainaka Yuus turatarma timaun uminak wetsuk nuig puju jakaruiti.

20 Antsu wina emematrittsa iruuntai aaknum yuragmia numamtin utsaanar au ishichik tsawan asa, takuni weakaigka atumsha wetaarma tusa Yuus timau asar, nitasha we jakaruiti. Tura nu weachkaigka atumsha werpa timau asar, nitasha we jakcharuiti. 21 Yuragmia numamtin chikichik káshia nui wetsuk akaigka we jakcharuiti. Tura tsawai wenakaigka yuragkim israelita ainan yakigtin wejakuiti. Tura tsawai wetsuk au káshi weakaigka nitasha we jakaruiti. 22 Yuragmia numamtin utsaanar Yuus ememattai aaknum jimar tsawan, chikichik nantu tumachkusha chikichik uwí wetsuk nuig akaigka nitasha wetsuk nuig matsama jakaruiti. Antsu yuragmia numamtin utsaanar Yuus ememattai aaknum au takuni weakaigka nitasha we jakaruiti. 23 Yuus Moisésan tina turusag uminak yuragmia numamtin Yuus ememattai aaknum utsaanar au weachkaigka nitasha we jakcharuiti. Antsu yuragmia numamtin Yuus ememattai aaknum au takuni weakaigka nitasha we jakaruiti.