Luka ngə ndər tsəfə Mafakə Mənakə na. Ndər shalya kuzəkə cha, a da cha ndər Yahuda wa. A da cha zhang ku huɗa shawa Yesu wi alenya nji'inda tsəfə mafakə mənakə təkəra Yesu wa, madangə səda tə chari ənda a ɓətə cha ka alenya shawa Yesu (1:2). Kwa nau cha ɗa nja tsəfə Mafakə Mənakə na a hi Roma, anə vanya ndə nda njo nga Tiyofilus, madangə anə dəhə nji ngə nja ɓwanya nga.

Mafakə Mənakə nda Luka tə tsəfəbiya, tə ghəya na chabiya ənda Yesu ngə Ndər Dləuya Isra'ila ana dunəya dəhəu. A ghəya na mafakər hirgyaɗi a təkəra yar Yesu, cha udiya tsəu ana mafakər hirgyaɗi, ənda Yesu tə hya'atə ku hwa ga təra gya huɗamələm. Aku Mafakə Mənakə na, Luka tə chabiya ənda Yesu kwa ɗəngha na nji'inda ku ɓwaɓwatəu.