Zhuda Z

zhedu böjö — Zhedu böjö sa ta a na ja sa kumufa ö ta ja chama kumu dantu uan tempu valadji pa ja lezha ku pa ja adola Nashiolo. Dantu nna judio zhedu böjö ja sa ku sinchidu fa ineñ tan ba ku ope tashi ku pa msa fa a ja vla kichi deenchi Nashiolo.

Zhuan — Uan sapa pöjödölö se a ja sama ku namu Zhuan se a ja limian dantu Testamentu Novu. Ineñ dösu ineñ shi ngandji mashi sa Zhuan shi ja bachizha nguë ku Zhuan shi sa Apostol:

1. Zhuan shi ja bachizha nguë se bi sa pantafala shi fë vadu jamangandji da Djisu. Ëli bi sa pantafala amea jalëla pantafala Elias; ku amea shi Elias bi ska fë, Zhuan bi ska faa pövu pa ineñ tan vla Nashiolo. Lëë Mat 3:1-15; 11:2-19; 14:1-12; 17:13; 21:24-32; Mar 1:4-11; 6:14-29; 11:29-33; Luk 1:13-17, 57-63, 76-80; 3:2-20; 7:18-33; 11:1; Zhn 1:6-8, 15, 19-36; 3:22-30.

2. Apostol Zhuan bi sa mina Sebedeo se ëli sa namain Sanchagu. Ëli bi sa uan nna deshi ku dösu nna apostol Djisu. Ëli se skëvë evanjelio Zhuan ku jaata Zhuan tëishi tëishi ineñ shi sa ku namu dëli, se a ja sa suguladu fa ëli se skëvë lavulu Apokalipsis. Lëë Mat 4:21-22; 10:2; 17:1-13; Mar 1:29; 3:17; 5:37; 9:1-13, 38; 10:35-41; 13:3; Luk 8:51; 9:28-36, 49, 54; 22:8; Fidk 3:1-11; 4:13, 19-20; 8:14-17; Gal 2:9; Apo 1:1, 4, 9; 22:8.

Tan të utu nguë ku ten sa ku namu Zhuan:

3. Zhuan Marko, namain Bernabe ku jamada Pelavöl, ëli se skëvë evanjelio Marko (\xt Fidk 12:12; 13:4-13; 15:37-39; Kol 4:10; 2Tim 4:11; Flm 24; 1Pud 5:13).

4. Zhuan se bi sa namu pai Shiman Pudul (Mat 16:17; Zhn 1:42; 21:15-17).

5. Ten bi të uan nna nguë jadji jasa jasa padjil Anas ku a ja sama Zhuan (Fidk 4:6).

Zhunta shi Ngandji — (Sanedrin) (Mat 26:59; Mar 14:55; 15:1; Luk 22:66; Zhn 11:47; Fidk 4:15; 5:21; 6:12; 22:30; 23:1; 24:20). Zhunta shi Ngandji se bi sa uan jamian juzhga ö zhunta deshi seta ku unian napai judio ineñ shi ngangandji. Ineñ tudu zhuntadu se bi ska jözhë jö ineñ shi ja të ku ja guëzha guëzha. Jasa jasa padjil se ja sa deenchi zhunta sai. Ta a bi ma Djisu ba deenchi Zhunta shi Ngandji, ineñ tudu bi ku uan fala soso fa ske ta pa ëli mölë. Mandji se bi sa fa nna feshali roma moso se bi sa ku pödë pa chila ëli vida folo, nna nguë Zhunta shi Ngandji se bi manda Djisu ba da Pilatu gövöndölö roma.