gövöndölö Nashiolo — Ta a ja faa «gövöndölö Nashiolo» a ja ska faa fala tëjantu ku lazhan shi Nashian ja të ku pövu dëli. Uan alë ja sa gövöndölö liba pövu dëli, se Nashian sa shimafan alë pakë ëli ja gada nguë pë basu gövöndölö dëli. A shime ëli ten ja da ineñ jö ineñ ja fë ineñ fata tudu, se ëli ja ska ma ineñ bai ku ten ja ludjila ineñ. Nna nguë ineñ shi ja sa nna nguë gövöndölö Nashiolo sa nna nguë ineñ shi ja jonfa Nashiolo ku ten ja këlë dëli. Ta Djisu bi bi mundu sai, se gövöndölö Nashiolo bi ku uan pödë novu, pakë Djisukilitu bla jamangandji valadji pa nguë tudu sa ku uan lazhan novu ku Nashiolo.

Gresia, fala griego — Atenas se bi jasa palea. Korinto bi utu palea nna griego. Nna nguë Antigu Gresia bi sa nna nguë jotadu ku pövu ja da nguë ondolo dajantu tëndëmentu dëneñ. Fala tela nna nguë gresia, se nna nguë mundu ku ondolo tudu bi ska fala, na sa Gresia mosofa shina tela löndji löndji ineñ shi nna sodadji griego bi ja ta. Nna napai ineñ shi skëvë lavulu Testamentu Novu ineñ skëvë ku fala nna griego.