Jaata shi fë dösu fo San Zhuan nguë shi skëvë jaata sai ëli ja sama öguë dëli pai veiu. Sa uan jaata ku a da ba da nna nguë uan guëzha, mandji se a na ja da lazhan jamian shi ineñ ja taf. Sa uan dasu jaata ku ja da nguë lazhan ngongo Pai ku jonfa shishizhu ku Djisukilitu, deenchi nna meeth fanchila, ku tudu sa ja a da lazhan amea shi gavu mashi dantu jaata shi pimëlu.

Dantu jaata sai a ja da lazhan amea shi nna meeth dalë bi ska ua nna nguë guëzha. Jaata se fë dösu iai na sa ja a da ba da guëzha shimefa ku guëzha shi pimëluf. Dantu jaata tëishi ineñ sai tudu sa skividu amea jalëla shime.