Jaata shi fë dösu fo «Shiman Pudul» sa ja a skëvë da nna kitan valadji pa ineñ ja sa vatu tëjantu ku zhugan shina kuzhu pata patadu ku bi ska lantela dantu guëzha, mandji se a na ja limian zhugan guëzhaf.

Fo pimëlu pimëlu, jaata sai ja lambela nguë tudu fa sama dëneñ sa ja së fo Nashiolo ku jö ineñ shi a ja fë ku sa ja fo ëli (1:3-11). Dantu jaata sai ten ja da lazhan jö ineñ shi ja tëjantu ku nna meeth fanchila, ku shina kuzhu dëneñ ku fidu ja dëneñ (2:1-22), ku ta Kilitu tan ske ja vlame bi (3:1-13).

Pudul ja lambela nna kitan fa shina ja Fa Nashiolo a na ja paadji da nguë lazhan amea shi uan nguë ja ngongof. Dajantu shi se ëli faa ntëlelele: «Pakë zhugan djia fala nna pantafala a na ja bi tëjantu ku vintadji nna pöjödölöf; shina, nna pöjödölö ineñ bi ska faa fala fo pachi Nashiolo ku jö shi Spitu Santu bi ska faa ineñ» (1:21).