Pa Nashian da namsëdji pa galasa ku padji ja monchi mashi.

3 Pa ja da Nashian besa ku Pai Shiölö no Djisukilitu,

ku dajantu mindjikodji ngandji dëli se ëli fë pa tan pali no novu ta Djisukilitu ja lanta bi vida.

Se jö sai se ja da no uan alagada ku ja sa vivu,

4 se ëli ske fë pa namsëdji tudu ma ja gagavu shi Nashian bi bi gada da namsëdji ösë iai,

ku a na ja paadji të fea feafa ñi të manchafa ñi ja dananf.

5 Dajantu jonfa shi namsëdji të ku Nashiolo,

se ëli ja fë lazhan namsëdji ku pödë dëli,

valadji pa namsëdji ja të savasan shi sa ku ëli gadadu iai,

ku se ëli ske lega namsëdji sëbë dantu jabamentu tempu.

6 Dajantu shi se namsëdji sa shia ku liguilia,

benga zha pa ja fë fata pa namsëdji pasa uan fi tempu ku uan sapa djisgalasa.

7 Pakë jonfa namsëdji se ja sa shishizhu mashi ku oro:

se ödu dëli ta pa ja jönsë ku fögö.

Jonfa shi a ja gaga ku djisgalasa se ja shivi mashi ku oro,

ku a ja paadji të fea fea.

Tadashi se amea jonfa namsëdji,

ta a ja puva,

se ske mësë uan aen,

gloria ku ondolo ta Djisukilitu tan ja msa tuludöguë dëli me.

8 Namsëdji ja ngongo ku Djisukilitu,

benga zha pa namsëdji na sa bë ëli ie zhaf;

se öseshi,

ku namsëdji këlë dëli shinke namsëdji bë ëli,

se namsëdji ja të uan besa ku uan gloria ku a na ja paadji fala ku faa mosof,

9 pakë öma namsëdji ske kë jö shi jonfa bi ngongo të,

ku sa savasan alma namsëdji.

10 Nna pantafala ineñ shi,

ku bi pegua galasa shi bi sa ja namsëdji,

ineñ bi jua ku tëndëmentu jö ineñ shi tëjantu ku savasan sai.

11 Ineñ bi ngongo golo kë tempu ku kë jö ineñ Spitu Kilitu ku bi sa ku ineñ,

ta ëli bi da lazhan tëjantu ku padësë Kilitu ku gloria shi ske bi bi tashi dëneñ.

12 Se nna nguë ineñ sai se a bi da lazhan fa ineñ na bi ja shivi tuludöguë dëneñfa,

shina ja shivi da namsëdji.

Ineñ bi ska faa da jö ineñ shi ku öseshi ku a pegua da nna nguë ineñ shi ku pegua evanjelio amea Spitu Santu ku a da bi fo ösë.

Jö ineñ sai se sa jö ineñ nna anzhu bi ska ngongo bë.

13 Dajantu shi,

se namsëdji ske sa plesteñi pa usa tëndëmentu betu,

ku domina tuludöguë dishamentu,

pa alagada ntëlelele namsëdji sa dantu galasa shi a ske da namsëdji ta Djisukilitu ja msa tuludöguë dëli me.

14 Shimafan nna mina ku ja tëndë kuzhu,

na ja ska bibe amea dishamentu ineñ shi bi sa ku namsëdji anta pa namsëdji jönsë Nashianf.

15 Shina,

pa namsëdji ja bibe amea shi pa ja sa santu shishizhu,

pakë Nashian shi sama no iai,

sa santu;

16 pakë Fa Nashian faa:

«Namsëdji ja sa santu,

pakë amu sa santu».

17 Shi namsëdji ja lezha da Pai,

ku ja juzhga nna nguë tudu amea fidu ja dëneñ shin pia uan nguë mashi ku utu nguë,

ske ta pa namsëdji ja ska fë ja ku mendu tempu ineñ shi namsëdji ja ska bibe mundu sai.

18 Pakë namsëdji tudu sëbë fa Nashian da pagu da vida namsëdji valadji pa ëli sava vida shin sinchidu shi namsëdji ma fo paipai namsëdji iai.

Se pagu shi a da na ja sa ja sa poto potodu shimafan plata ku orof,

19 shina ku sangui fumözhö Kilitu,

ku se a da shimafan dji uan mina jabala shin noda shin zhugan jamian danadu.

20 Kilitu,

ku se Nashian ma anta pa mindji mundu,

se sa nguë shi msa öguë dëli da gavu namsëdji.

21 Pakë amea Kilitu se namsëdji këlë Nashiolo,

ku se lanta ëli bi vida ja da ëli gloria,

se sa amea shi namsëdji pë jonfa namsëdji ku alagada ku Nashiolo.

22 Se öseshi,

ta pa namsëdji ja tëndë nova shi sa vedadji,

se namsëdji ja vla limpi fo pekadu valadji pa namsëdji ja ngongo ku nna namain ku kusan betu.

Se ske ta namsëdji ja ngongo ku namsëdji me ku kusan limpi ku foshi tudu.

23 Pakë a tan vlame pali namsëdji novu,

na sa fo shimenchi ku ja mölëfa,

shina fo shimenchi ku na ske ja mölëf,

amea Fa Nashiolo,

ku sa vivu ku ja sa pa sempele.

24 Pakë Fa Nashian faa: