Pelavöl sa deenchi Festo
25
Ta pasa tëishi djia ku Festo ba da loso loso dala,
se ëli subili fo palea Sesarea ba Jerusalen.
2 Tadashi se nna jasa jasa padjil ku jasa jasa nna judio ba deenchi dëli ba faa ëli ja tëjantu ku Pelavöl,
se ineñ luga ëli.
Hechos 25.1-22
3 Se ineñ ten pindji pa ëli fë ineñ uan föböli pa ëli da odji pa ma Pelavöl ba Jerusalen.
Shizhu dëneñ bi sa pa ineñ chila ëli vida folo jamangandji.
4 Mandji se Festo kundji ineñ fa Pelavöl sa djili Sesarea,
se goleme ëli ten bi ska ala.
5 Se ëli faa ineñ:
«Dajantu shi,
se ta zhugan nna jasa jasa namsëdji ta pa bi Sesarea ku amu,
valadji pa shi masebu se ten ja fë uan ja fëiu,
pa ala se namsëdji faa ja tëjantu ku ëli».
6 Se ta ëli pasa dantu nna judio zhugan ötu a deshi djia mashi,
se Festo dësë ba Sesarea se amaian shi se ëli sama zhunta dantu jadji djustishi se ëli manda pa ma Pelavöl bi.
7 Ta ëli ba ala,
se nna judio ineñ shi dësë fo Jerusalen ludja ëli pë metadji,
ja faa ëli uan sapa zhugan ja fëfëiu tëjantu ku ëli,
zhugan ja ku ineñ na paadji puvaf.
8 Se Pelavöl bi ska pezha döguë dëli:
«Amu na fë zhugan ja fëfëiu ineñ sef,
ñi tëjantu ku alë nna judiofa ñi tëjantu ku jadji Nashiolofa ñi tëjantu ku Sesarf».
9 Mandji se Festo ku bi ngongo sa gavu ku nna judio,
se ëli pongota Pelavöl:
—¿Bo ngongo subili ba Jerusalen valadji pa juzhga ala deenchi amu?
10 Se Pelavöl kundji ëli:
—Amu sa deenchi zhunta dji Sesar,
ku se sa jamian shi ta pa juzhga amu.
Amu na fë zhugan ja fëiu tëjantu ku nna judiof,
amea shi bo sëbë gavu.
11 Shi amu ja sa ku kupa uan ja fëiu ku amu fë ku mësë mölë,
amu na ska naga pa amu mölëf.
Mandji,
se shi zhugan jö ineñ sai ku ineñ ska faa tëjantu ku amu iai na ja sa vedadjif,
zhugan nguë na të dëtu pa da amu ineñf.
Amu pindji pa Sesar tëndë amu.
12 Se ta Festo da lazhan ku nna nguë zhunta dëli,
se ëli kundji:
—Bo pindji pa Sesar tëndë bo,
bo ska toja Sesar.
Pelavöl sa deenchi alë Agripa
13 Se ta pasa zhugan djia,
se alë Agripa ku Berenise bi Sesarea valadji pa ineñ ba da Festo manten.
14 Se ta fë ku ineñ bi sa ala uan sapa djia,
se Festo da alë Agripa lazhan tavadji Pelavöl,
ja faa:
—Sa ku uan masebu iai ku Felis lega pë djili.
15 Ta amu bi ba Jerusalen,
se nna jasa jasa padjil ku nna jasa jasa nna judio ma tavadji dëneñ tëjantu ku ëli se ineñ pindji amu pa amu kondena ëli.
16 Se amu kundji ineñ fa na sa kutumu nna nguë roma pa da uan nguë ba mölë shinke a da ëli fölöshö jamian pa ëli pezha döguë dëlif.
17 »Dajantu shi se ta ineñ bi da iai,
se amu na sea löngöf,
shina amu sama zhunta amaian shi,
se amu tusan dantu jadji djustishi se amu manda pa ma masebu se bi.
18 Se ta ineñ lanta pa ineñ ba faa fala,
se nna nguë ineñ shi ma ëli ba ala iai na fala zhugan ja fëiu ineñ shi amu bi ska mazhnaf.
19 Shina ineñ bi ska faa zhugan ja tëjantu ku ëli bi sa ja jadji këlë dëneñ ku dji uan masebu ku ineñ ja sama ëli Djisu,
ku bi mölë bebezha,
se Pelavöl ska faa ëli sa vivu.
20 Se amu na bi sëbë amea shi pa amu golo tavadji ineñ sef,
se amu pongota ëli shi ëli ngongo ba Jerusalen pa ba juzhga ëli ala da jö ineñ sai.
21 Mandji,
se amea shi Pelavöl bi pindji valadji pa gada pa Emperadölö faa fala,
se amu da odji pa ëli mdja djili iai ba toja pa da ëli ba bë Sesar.
22 Tadashi se Agripa faa Festo:
—A shime amu ten ngongo tëndë masebu sai.
Se Festo kundji ëli:
—Amaian bo ske tëndë ëli.
23 Ta da amaian shi,
se Agripa ku Berenise ten bi ku uan sapa lanlan,
se ineñ ten lantela dantu mete jamian shi ku nna feshali ngangandji ku nna nguë ngangandji ineñ shi mashi dantu palea.
Se Festo manda pa ma Pelavöl bi.
Hechos 25.23–26.32
24 Tadashi se ëli faa:
«Alë Agripa ku nna nguë ineñ shi sa iai ku no tudu:
¡masebu se lele iai!
Nna pövu judio tudu ma lazhan bi da amu tëjantu ku ëli,
fo Jerusalen bi toja Sesarea iai,
ja pindji ku kidëlë böjö fa pa chila ëli vida folo.
25 Mandji se amu ska bë fa masebu sai na fë zhugan ja pa ëli mësë pa chila ëli vida folof,
se fë ku ta tuludöguë dëli pindji pa Sesar tëndë ëli,
se amu mazhna pa amu da ëli ba Roma.
26 »Se öshi amu na të zhugan ja shishizhu pa amu skëvë ba da shiölö tëjantu ku ëlif.
Se dajantu shi se amu ma ëli bi deenchi namsëdji,
bo mashi,
ö pai shialë Agripa,
valadji pa ta namsëdji ja golo ëli pa amu të zhugan ja pa amu fo skëvë pë jaata amu.
27 Pakë na të sinchidu pa da uan djilima bai,
shinke bo ska da lazhan jö shi tëjantu ku ëlif».