EVANJELIO KU
SAN MATË
SKËVË
1
Nna paipai Djisukilitu
1 Lavulu nna paipai Djisukilitu,
mina David,
mina Abraam:
2 Abraam se bi sa pai Isaak.
Isaak se bi sa pai Jakob.
Jakob se bi sa pai Juda ku dji nna namain dëli.
3 Juda se bi sa pai Fares ku Sara (main dëli bi sa Tamar).
Fares se bi sa pai Esrom.
Esrom se bi sa pai Aram.
4 Aram se bi sa pai Aminadab.
Aminadab se bi sa pai Nason.
Nason se bi sa pai Salmon.
5 Salmon se bi sa pai Boos (main dëli se bi sa Raab).
Boos se bi sa pai Obed (main dëli bi sa Rut).
Obed se bi sa pai Isai.
6 Isai se bi sa pai alë David.
David se bi sa pai Salomon (ku main dëli bi sa mooso Urias).
7 Salomon se bi sa pai Roboam.
Roboam se bi sa pai Abias.
Abias se bi sa pai Asa.
8 Asa se bi sa pai Josafat.
Josafat se bi sa pai Joram.
Joram se bi sa pai Uzias.
9 Uzias se bi sa pai Jotam.
Jotam se bi sa pai Akaz.
Akaz se bi sa pai Ezekias.
10 Ezekias se bi sa pai Manases.
Manases se bi sa pai Amon.
Amos se bi sa pai Josias.
11 Josias se bi sa pai Joakin ku nna namain dëli (ku a pali ineñ tempu shi a bi ma ineñ afoshi ba Babilonia).
12 Zha se fo tempu shi ineñ bi sa Babilonia:
Joakin se bi sa pai Salatiel.
Salatiel se bi sa pai Sorobabel.
13 Sorobabel se bi sa pai Abiud.
Abiud se bi sa pai Eliakin.
Eliakin se bi sa pai Azor.
14 Azor se bi sa pai Sadok.
Sadok se bi sa pai Akim.
Akim se bi sa pai Eliud.
15 Eliud se bi sa pai Eleazar.
Eleazar se bi sa pai Matan.
Matan se bi sa pai Jakob.
16 Jakob se bi sa pai Sandzhe,
medu Malia.
Malia se pali Djisu,
ku se a ja sama Kilitu.
17 Nna nguë ineñ shi ja sa dantu namolo sai ja sa zhenchi deshi ku jatulu fo Abraam ba toja David,
deshi ku jatulu fo David ba toja tempu shi a ma ineñ afoshi ba Babilonia,
se ten sa deshi ku jatulu fo tempu shi ineñ bi sa Babilonia ba toja Kilitu.
Nashimentu Djisukilitu
18 *Soia sai se ja da lazhan amea shi a pali Djisukilitu.
Main dëli,
Malia,
bi ska jazha ku Sandzhe,
mandji se anta pa jazha ineñ,
öshi ontolo ëli bi sa vidjin,
se toja ëli bi sa pañia amea pödë Spitu Santu.
19 Se Sandzhe,
medu dëli,
ku bi sa uan masebu dëtu se na bi ngongo fë pa ëli pasa govan deenchi pövuf,
se dajantu shi se ëli bi ngongo baga ku ëli amea jöndjidu.
20 Se öshi ontolo ëli bi ska mazhna amea sai,
se uan anzhu Shiölö së ëli ku supichi dantu suian se faa ëli:
«Sandzhe,
mina David,
na mendu pa bo ma Malia pa sa mooso bof,
pakë mina se sa dantu chipa dëli iai sa ja ëli të fo pödë Spitu Santu.
21 *Se ëli ske pali uan mina,
se bo ske pë ëli namu ja sama Djisu,
pakë ëli ske sava pövu dëli fo pekadu dëneñ».
22 Jö ineñ se tudu shiga valadji pa kumpli monova shi Shiölö da bi amea pantafala dëli:
23 «¡Ja pia!
¡Vidjin ske të pañia uan mina!
Ëli ske pali uan mina,
se a ske sama ëli Emanuel»
(ku ja da öiö tëndë fa «Nashian sa ku no»).