3 Ndu Ízurẹlu bẹ gbalihuru ije l'ọnwa mbụ l'abalị iri l'ise l'ọnwa mbụ ono, lẹ mbọku, l'etsota mbọku o-je-ghata nke Onye-Nwe-Ọha. Whẹ kpọtaru ishi ije whẹ lẹ mkpụkpu Ramísẹsu; dzọru garamu garamu wụru tụgbua; ndu Íjiputu l'elekaa whẹ ẹnya whẹ l'atụgbu. 4 Ndu Íjiputu l'elikaa odzu ndu bụ ọkpara whẹ ono, Onye-Nwe-Ọha chigbushiru l'echilabọ whẹ. O nokwawho gẹ Onye-Nwe-Ọha wokfutaru iwhe bụ agwa alị ono ikpe nkiya, goshi l'agwa whẹ ta adụdu iwhe ọ bụ.

5 O noo ya, ndu Ízurẹlu palita ije lẹ Ramísẹsu, whẹ rwua Sukọtu, whẹ kpọbe ụlo-ẹkwa ebubu whẹ. 6 Whẹ palita lẹ Sukọtu rwua kpọbe ụlo-ẹkwa ebubu whẹ lẹ Itamu, dụ l'agụga echi-ẹgu. 7 Whẹ palita lẹ Itamu, kpọ-whuta azụ bya atụgburu jerwua Pyi-hahirotu, dụ l'ụzo ẹnyanwu-awata Bálu-zefonu, whẹ kpọbe ụlo-ẹkwa ebubu whẹ lẹ mgboro Migudolu. 8 Whẹ palita lẹ Pyi-hahirotu, daa eze-ẹnyimu bata l'echi-ẹgu. Whẹ jelewho ije l'echi-ẹgu Itamu jeye abalị ẹto, whẹ rwua Mara, whẹ kpọbe ụlo-ẹkwa ebubu whẹ. 9 Whẹ palita lẹ Mara rwua Elimu. Lẹ Elimu l'ẹka ono b'o nweru uzhi ẹka iri l'ẹbo, mini l'eshije l'alị anwụfuta, dụ iya nụ, o nweru nkfụ, dụ ụkporo ẹto l'iri, whẹ kpọbe ụlo-ẹkwa ebubu whẹ l'ẹka ono.

10 Whẹ palita lẹ Elimu rwua agụga Eze-ẹnyimu Uswe-uswe, whẹ kpọbe ụlo-ẹkwa ebubu whẹ. 11 Whẹ palita lẹ Eze-ẹnyimu Uswe-uswe rwua echi-ẹgu Sinu, whẹ kpọbe ụlo-ẹkwa ebubu whẹ. 12 Whẹ palita l'echi-ẹgu Sinu rwua Dọfuka, whẹ kpọbe ụlo-ẹkwa ebubu whẹ. 13 Whẹ palita lẹ Dọfuka rwua Alushi, whẹ kpọbe ụlo-ẹkwa ebubu whẹ. 14 Whẹ palita lẹ Alushi rwua Refidimu, whẹ kpọbe ụlo-ẹkwa ebubu whẹ. Ẹka ono bẹ mini l'adụdua ọwhu ndu Ízurẹlu l'a-ngụ.

15 Whẹ palita lẹ Refidimu rwua echi-ẹgu Sáyinayi, whẹ kpọbe ụlo-ẹkwa ebubu whẹ. 16 Whẹ palita l'echi-ẹgu Sáyinayi rwua Kiburotu Hatava, whẹ kpọbe ụlo-ẹkwa ebubu whẹ. 17 Whẹ palita lẹ Kiburotu Hatava rwua Hazerotu, whẹ kpọbe ụlo-ẹkwa ebubu whẹ. 18 Whẹ palita lẹ Hazerotu rwua Ritima, whẹ kpọbe ụlo-ẹkwa ebubu whẹ. 19 Whẹ palita lẹ Ritima rwua Rimọnu Pẹ́rezu, whẹ kpọbe ụlo-ẹkwa ebubu whẹ. 20 Whẹ palita lẹ Rimọnu Pẹ́rezu rwua Libuna, whẹ kpọbe ụlo-ẹkwa ebubu whẹ. 21 Whẹ palita lẹ Libuna rwua Risa, whẹ kpọbe ụlo-ẹkwa ebubu whẹ. 22 Whẹ palita lẹ Risa rwua Kehelata, whẹ kpọbe ụlo-ẹkwa ebubu whẹ. 23 Whẹ palita lẹ Kehelata rwua ugvu Shefa, whẹ kpọbe ụlo-ẹkwa ebubu whẹ. 24 Whẹ palita l'ugvu Shefa rwua Harada, whẹ kpọbe ụlo-ẹkwa ebubu whẹ. 25 Whẹ palita lẹ Harada rwua Makelotu, whẹ kpọbe ụlo-ẹkwa ebubu whẹ. 26 Whẹ palita lẹ Makelotu rwua Tahatu, whẹ kpọbe ụlo-ẹkwa ebubu whẹ. 27 Whẹ palita lẹ Tahatu rwua Tẹra, whẹ kpọbe ụlo-ẹkwa ebubu whẹ. 28 Whẹ palita lẹ Tẹra rwua Mitika, whẹ kpọbe ụlo-ẹkwa ebubu whẹ. 29 Whẹ palita lẹ Mitika rwua Hashimona, whẹ kpọbe ụlo-ẹkwa ebubu whẹ. 30 Whẹ palita lẹ Hashimona rwua Moserotu, whẹ kpọbe ụlo-ẹkwa ebubu whẹ. 31 Whẹ palita lẹ Moserotu rwua Bene-jáakanu, whẹ kpọbe ụlo-ẹkwa ebubu whẹ. 32 Whẹ palita lẹ Bene-jáakanu rwua Họru-hagidigadu, whẹ kpọbe ụlo-ẹkwa ebubu whẹ. 33 Whẹ palita lẹ Họru-hagidigadu rwua Jotubata, whẹ kpọbe ụlo-ẹkwa ebubu whẹ. 34 Whẹ palita lẹ Jotubata rwua Aburona, whẹ kpọbe ụlo-ẹkwa ebubu whẹ. 35 Whẹ palita lẹ Aburona rwua Eziyọnu-geba, whẹ kpọbe ụlo-ẹkwa ebubu whẹ. 36 Whẹ palita lẹ Eziyọnu-geba rwua Kádẹshi, dụ l'echi-ẹgu Zinu, whẹ kpọbe ụlo-ẹkwa ebubu whẹ. 37 Whẹ palita lẹ Kádẹshi rwua ugvu Họru, dụ l'oge alị ndu Edọmu, whẹ kpọbe ụlo-ẹkwa ebubu whẹ.

38 Ọ bụru l'ẹka ono bẹ whẹ nọ; Onye-Nwe-Ọha sụ Érọnu, bụ onye l'agbajẹ ẹja nụ Chileke t'o nyihu eli ugvu Họru ono. Érọnu nyihu ugvu ono nọdu iya nwụhu, l'abalị mbụ l'ọnwa ise l'awha kwe ndu Ízurẹlu ụkporo awha ugbo labọ nkele whẹ shi l'alị Íjiputu fụta. 39 Érọnu bẹ gbarụ ụkporo awha ugbo ishii l'awha ẹto nteke ọ nwụhuru l'ugvu Họru.

40 Onye eze Kenanu ono, l'achị mkpụkpu Áradu, mbụ onye ono, bu l'echi-ẹgu, dụ l'ọhuda alị Kenanu bya anụa lẹ ndu Ízurẹlu l'awụ abya.

41 Ndu Ízurẹlu palihu l'ugvu Họru rwua Zalumona, whẹ kpọbe ụlo-ẹkwa ebubu whẹ. 42 Whẹ palihu lẹ Zalumona rwua Punọnu, whẹ kpọbe ụlo-ẹkwa ebubu whẹ. 43 Whẹ palita lẹ Punọnu rwua Obotu, whẹ kpọbe ụlo-ẹkwa ebubu whẹ. 44 Whẹ palita lẹ Obotu rwua Iye Abarimu, l'oge alị Moabu, whẹ kpọbe ụlo-ẹkwa ebubu whẹ. 45 Whẹ palita lẹ Iye Abarimu rwua Dibọnu nke ndu Gadu, whẹ kpọbe ụlo-ẹkwa ebubu whẹ. 46 Whẹ palita lẹ Dibọnu nke ndu Gadu rwua Alumọnu Dibulatayimu, whẹ kpọbe ụlo-ẹkwa ebubu whẹ. 47 Whẹ palita lẹ Alumọnu Dibulatayimu rwua ugvu ugvu Abarimu, whẹ kpọbe ụlo-ẹkwa ebubu whẹ l'atatiwhu ugvu Nebo. 48 Whẹ palita l'ugvu ugvu Abarimu rwua whorokoto alị Moabu, whẹ kpọbe ụlo-ẹkwa ebubu whẹ l'agụga ẹnyimu Jọ́danu lẹ mgboro mkpụkpu Jériko. 49 Whẹ kpọberu ụlo-ẹkwa ebubu whẹ l'agụga ẹnyimu Jọ́danu, shi lẹ Betu-jeshimotu kpọo ya je akpaa lẹ nsụda oshi akeshiya lẹ whorokoto alị Moabu.

50 Ọ bụru lẹ whorokoto alị Moabu ono l'agụga ẹnyimu Jọ́danu lẹ mgboro Jériko bẹ Onye-Nwe-Ọha kfuru yeru Mósisu sụ: 51 “Kfuru ndu Ízurẹlu sụ whẹ: Unu -dalẹwho ẹnyimu Jọ́danu bahụ l'alị Kenanu; 52 unu atụko ndu bu l'alị ono gẹ whẹ ha chịshikota l'atatiwhu unu. Unu emebyishia iwhe bụ ụnwu ntẹkpe whẹ mẹe iwhe bụ agwa, whẹ kpụshiru doberu onwowhe. Unu atụko ẹka whẹ l'agwajẹ iwhe nwutsushia. 53 Unu anata alị ono buru nkele mu nụwaru iya unu t'ọ bụru oke-alị unu. 54 Unu l'a-tụ ido washịa alị ono l'ẹnya-uwhu l'ẹnya-uwhu. Ikfu ọwhu ha shii, unu awẹe whẹ alị, ha shii, ikfu ọwhu ha nwanshịi, unu awẹe whẹ alị, ha nwanshịi. Ẹka a tụru ido ọ dabarụ ndu ọwhu ọ dabarụ, whẹ eworu ẹka ọbu. Onyenọnu l'a-wata oke-alị nkiya l'ikfu nna iya. 55 Ọle ọ -bụru l'unu ta achịfudu ndu bu l'alị ono l'atatiwhu unu bẹ ndu ono, unu harụ l'e-bekochaa bụru ikpowhu-mkpọ kpọlahaa unu l'ẹnya, whẹ abụru amị-ogvu dzụlahaa unu lẹ mgburẹku. Whẹ l'a-nọ-zhiawho akpa unu ẹhu l'alị ono, unu l'e-bu. 56 Nteke ono mu emee unu iwhe mu doberu unu nke ememe.”