12 Jũma mãwãnacarea jĩrũare Ãcõrẽba Jóa idjia naãrã erob̶ad̶a cãyãbara aud̶uara diasia. Mãwã Joba catorce mil ovejada, sei mil cameyoda, mil umé pacada, mil burro sid̶a erob̶esia.^a 13 Siete warrarãda idjab̶a wẽrãcaurãda ũbea unusia.^b 14 Dji nabema caura trʌ̃ b̶ʌsia Jemima. Maʌ̃arebemada trʌ̃ b̶ʌsia Cesia. Jĩrũarebemada trʌ̃ b̶ʌsia Keren-hapuc. 15 Jũma naʌ̃ ẽjũãne wẽrãrã biya qued̶eada Jo caurã quĩrãca neẽ́ basía. Joba erob̶ʌd̶ebemada idji warrarãa jed̶ecasid̶e idji caurãa bid̶a ab̶arica diasia.