Lowa sena Galetia 'ena Paulo 'iloguguya Yesu manuna, nate 'ina mwawasa kelose 'enaya ta 'ina toololimana manudi, 'enega me Galetia yaudi siemisena, ga muliyega Paulo 'ipilisinedi, ta 'iloguguya sakowasi 'aina sena wate 'ediya.

Muliyega 'aina me Yudia sitauya Galetia ga sie'ita, sigwae, “'Ilobwenena be walodaba, be waeYudia be 'ima loinao wamuliyedi, be wate 'eguma waemisa Keliso 'enaya, Yaubada 'ida gwausowala manumi; ta 'eguma nigeya waeYudia, nigeya 'ida gwausowala manumi.”

'Enega Paulo ale 'inonona ga nuwana 'imwau me Yudia 'idi kabo manuna, ga me Galetia 'idi leta gete 'i'etoladina ta 'ediya 'ietunena be 'aene sisawa, be sida mwalatoni emisa namo Yesu Keliso 'enaya sawesawenaya be 'enega Yaubada 'ida gwausowala 'ediya, ta nigeya me Yudia 'idi loinao 'adi muliya manuna.

Wate 'eguma Yesu taemise, Yaluyaluwa Tabuna uwanao bobo'adi 'atedega sida apwesa; ta 'eguma nigeya, bwalada uwanao to'umalidi sida apwesa.