Ngic marimangang
3
Yesungo naso monnu kpekpeturang amau enu ngic mong maria noboc homemea,
ye ihai tarec.
Mareko 3:1-19
2 Nga ngic goa yeni Yesu yoacfu faigecdeac negensigec amma ngic imoc sabata nasou mengereude me kpac,
imocac hembikecgec.
3 Hembikecgec Yesungo ngic marimangang yofi edeec,
“Ge yacma botucninau nanna.”
4 aifi dema yofi kpesiyemmeec,
“Sabata nasou noc faka naric ambesonga,
faka gombunga me mangana?
Amma homebeso andae,
yeni agengngina tinide me yunuhomenide?”
Ifi deu yeneng engsac ning kpegec.
5 Ning kpegec yeng ubaseringinaac negenghodungaima herea buu kic fikengfiha amma ngic yofi edeec,
“Ge mariga sinena!”
deu ngic ye maria sineu ngereec.
6 bNgereeu farisaio yeneng naso imohaingoc Herodeac arengfora yenearu ioha kemma dafiu mema kpegecdeac yoac dedzege anggec.
Yesuaru hagec
7 Anu Yesu nga medacfora yeni amabangec wama Gariraia dzohonnu kemmagec Gariraia bangecfunac habu kunengngo modacyunugec.
8 Ngicngac Yudaia bangecfunac nga Yerusaleng taonnunac amma Idumaia bangecfunac nga Yodang edibigeng amma Tiro nga Sidong bangecfunac,
habutoa imoc yeni Yesungo faka sasawa meec,
imocac siduc negemma yearu hagec.
9 Nga Ngicngac homacngo hasikema Yesu igockebauac medacfora yeneng wage wegenac faigecdeac edeyunuec.
10 cNga ye ngic homac mengereyunuu hafeigoc yeneng kemma kpeseregecdeac hefacemegec.
11 dNga asu seuhagoc yeneng Yesu hemma ngonducnema yofi dema kpacma degec,
“Genoc Anutuac medac.”
12 eIfi degec hania dekperagibauac Yesungo dederac ayemmeec.
Medac 12 meisingyunuec
13 Anu ye tikiu emma medac goa ubango negengising ayemmeecmoc,
deu yearu kenggec.
14-15 Kenggec medac 12 meisingyunuma aposoro kpac yemmeec.
Yemmeu yeni yegoc kecmagec yoac edekpou ayemmegecde nga hadehade nga yafing kporacyemmegecdeac uayoac nga kuc yemmeec.
16 fNgic 12 meisingyunuec,
yeneac kpacngina yofi,
Simong,
kpara mong Petoro miec, ye
17 gamma Dzebedaioac medachora Yakobo nga munea Yohane,
yereac kpacngira Boanerges yemerec.
Imocac titiha,
parandanggac medac.
18-19 Nga Anderea amma Firipo nga Batoromaio amma Mataio nga Toma amma Yakobo,
imoc Arifaioac medac nga Tadaio amma Simong Kananaio nga Yuda Karioto amaunac,
yeng kecma Yesu kerereu megec.
Bedzeburugoc ua meande me?
20 Anu Yesungo amau kensikeu habutoango hama kpedzucnegec medacforagoc yakaneneac titing mong mi fingerec.
Mareko 3:20-35
22 hNga mitiac negen negengngic Yerusalennac hagec,
yeneng degec,
“Ye hadehade nga yafing yeneac ngictaungina Bedzeburu,
yeac kucfu hadehade nga yafing ngicngac yenearunac kporacande.”
23 Ifi degec Yesungo kpacyunuma yoac heima yofi edeyunuec,
“Satang yengenaocngoc dafi kporacemeude?
24 Bangec monggac ngicngac yeni ngaba angemema tohogecdeu bangec imocngo naric mi fekefude,
kpac.
25 Nga amamana mocgungo tohoma ngaba angemeudeu amamana imocngo kpac anude.
26 Nga Satangngo tohoma yengenaocngoc kporacemeudeu ye ifingoc kpac anude.
27 Ngic mongngo ngic kuhagoc,
yeac amau emma iwaiya naric mi wangerude,
kpac.
Ye ngic kuhagoc imoc witickemaguc amea manau emma iwaiya tacde,
imoc naric wangerude.
28 Foracngoc,
ngicngac yeni kopocsic hania hania angandae nga wiac hania haniaac deendema nga dedenggbaring angandae,
kopocsic ifia sasawa,
imocac wawa fede,
imoc edengunuduae.
29 Nga ngic mongngo Tiri Asu denggbaringgeude,
yeac kopocsic ine wawaya mi fede.
Kopocsihaac turunga imoc fekengkecbesande.”
30 Yeneng degec,
“Ye asu seuhagoc.”
imocac amma yeng ifi edeyunuec.
Yesuac nonggo munafora
31 iAnu Yesuac nonggo munafora yeneng sobennu kensikema ngic mong suema degec,
“Yesu ye mabeso.”
ge ifi edena.
32 Ifi degec Yesungo habu yeneac botucfu tacmanu ngicngac yeneng edegec,
“Nonggo munafocga ngadeau namma ge hofocgudae.”
33 Ifi degec yeng merengyemmeec,
“Damoc yeneng neac nonggo munafocna?”
34 Ifi dema yegoc momoc tacgec,
kiwa yenearu fima yofi deec,
“Nonggo munafocna imoc ngicngac ngeni yomoc tacdae.
35 Nga ngic Anutuac songo nga negen negeng modacma yeac ua mekecdae,
yeneng neac nonggo naing nga dacmunafocna.”