Yona ye Kebu kpacsambic ammiec
“Ni hereebictoanagoc fema
Kebu kpacsambic ammiba
yeng imoc negemma yoacna merendac.
Ni homecamaac hereau yombong fema
meficnunadeac kpacguba
geng ubaudumenna negendang.
3 Geng ukununa keme kemeau kemedua,
ge kondunggac herea manau yombong
ukununa ihai kemedua.
Kemeba dokutunggbaungngo semenuu feba
kondungsiriga nga siritembongga
kucnginagoc sasawango
kucgoc kpema neac witinau kendau.
4 Ifi anu yofi negendua:
Kpae fainemma ni geac kicfunac meicnudau
amma sifu kicna geac kpetiac womonnu
monggoc fima kecbade.
5 Dokungo witinau semenuma
kekecna mebeso andac.
Wiac keme kemeango
neac witinau hama semenuu
kondunggac kpindzingngo
orucnau mendanggedac.
6 Ni tiki yeneac haninginau yombong kemedua.
Kemeba bangec imocac kpaeyango
ngadenau bic tacma monggoc
dzigec dzigeneac sinna hedzickeu
nasoya nasoya ihai kecbesandua.
Ammanu geng ni teng keme kemeaunac
kekecnagoc menu eredang.
O, Kebu neac Anutuna.
7 Ni bangecsebi hesibeso angfema
Kebu negensidua.
Ni nunumuna faiba gearu ereec,
imoc kpetiac kekecgaac womong manau enec.
8 Nemuonga ua mong mi megecdeacsoc andae
nga ngicngac goa yeni yeni hoangyunuma
eweheihei ayemmeandae.
Yeni Anutu memeficngicngina
wosoefac ayemmeude ye wama eng kecgecde.
9 Ni ine ubaudumeng kunengngoc
dangge edegubade. Ni sese gembade.
Ni yoac deserigemma deduae
imoc dedena modacma faima mesibade.
Ebicfunac mesi mesi
imoc Kebu ge mocgusac.”
10 Anu Kebungo kondungyangtoa edeu ye kemma Yona urunu bangec kerengau maec.