4 Newukadnetsar ni amanau ebicna kpac kefai amma ngictauamanau wiac gombunga gombunga mekecma naric yombong kefai. 5 Kecma gaukpefing mong hemba kengecnuec. Ni kpefing henai imocac fefenau fema negen negennau negen negeng hania hania negemma imocac kengec amba ubaongana ebiriec. 6 Ebiriu Bawelac ngic negen negengnginagoc sasawa gaukpefing imocac hania dekperaginenggecdeac hesicyunugec habisia, yoacseria imoc faiba kendarec. 7 Anu kpefingdedengic nga ngic asu hania hania meicyunuandae nga kasedingic nga asomeng yenemma kpefingyoac deandae yeni neac kicfu eregec. Eregec ni gaukpefinna edeyunuba yeni imocac hania mong mi dekperaginenggecdeacsoc anggec. 8 Anu wisic wisickeau Danicelngo erema neac kicfu nanec. Yeac kpara mong Beltesactsar imoc neac anutunaac kparaac wasea. Nga ye anutu kpetiac yeneac asugoc kecdeac neac hoannu ereu gaukpefinna edeai. 9 O Beltesactsar, mamocngic yeneac kunengngina! Ni negenduae, anutu kpetiac yeneac asungo geac ubaheregau kecde, nga wiac sufu sufu sasawa imoc naric dekperaginemmenadeacsoc annec. Imocac amma ge onga gaukpefinnu henaimoc imocac hania edenuna.

10 Ni fefenau fema orucnau gauu onga hemba imoc yofi anec. Ni kic fima hemba ic mong herea yombong bangec botuhau nanec. 11 Namma ic imocngo kuneng yadima kuhagoc amma herea yombong nga susiango kurumeng kpesereec. Ifi kpesereu bangec tegia noboc noboc kecgec yeni imoc naric hendacgec. 12 Nga maria tengging tengging siriha gombunga yombong anec amma foraya homac fingeru sasawango negebec anggecdeacsoc feec. Nga imocac haniau funucfu tumiatoaac yang hania hania yeneng hama fenegeng kecgec amma sawaac neng yeneng faecngina fawau mema kecgec. Ic imocngo bangecfu kekecnginagoc sasawa yaka meficgeyemmec.

13 Anu fefenau fema ongau hemba kurumennunac kpetiac gareng wiac hennegeng angandae yenearunac mongngo maec. 14 Mama yoac yofi dema kucgoc arohoec,

18 Ni ngictau Newukadnetsarngo gaukpefing imoc hendua. Eucererennau ngic negen negengnginagoc sasawa kecdae yeni hania dekperagima edenugecdeacsoc mong mi andae. Nga anutu kpetiac yeneac asungo gearu kecdeac imocac hania imoc Beltesactsar geng imoc edenunadeacsoc annec.

19 Anu Danicel kpara mong Beltesactsarngo negen negeng fingecmiec imocac kengectoa meficgema ubaebic meu sebiaac kuha maec. Ifi anu ngictaungo yofi deec, “Beltesactsar, gaukpefing me imocac haniango ubaebic mi meficgegembeso.” Ifi deu Beltesactsar ye yofi deec, “O kunenna gaukpefing imoc ngabafocga ge ngadegudae yeneac ambac imoc ngereebac! 20 Ge ic henna yadima kuneng kuhagoc nga herea yombong kurumeng kpeseredac nga bangectoa bangec yeni imoc hendacdau. 21 Nga maria tengging tengging siriha gombunga yombong anec amma foraya homac amma sasawango negebec anggecdeacsoc anec. Nga haniau funucfu tumiatoaac yang hania hania yeneng hama fenegeng kecgec amma fawau sawaac neng yeneng kecdau. 22 Ngictau, ic imoc genoc! Geng yadima kucgagoc nga kuneng herea amma kurumeng kpeserenec. Amma eucererenggaac ngickunenga kecnec imoc bangec tegia noboc noboc kpeserede. 23 Nga ngictau ge henna kurumeng imohacnac kpetiac gareng mong wiac hennegeng angkecde, yeng mama yofi dedac,

24 O ngictau, Engenatoango yoara desima dede, imoc kunenna ngictau gearu hade. Kpefing imocac hania yofi,

26 Nga ic tofea godeagoc wagec tarudeac dedau imoc eucererengga geac negemma fekefude. Anu geng kecma yofi negentegecnade, Kurumengngo kunengkekec minginanoc.^a Imohai eucererengga monggoc menade. 27 Imocac ngictau ge yoacna negemma imoc modacbesena. Ge kopocsicfakaga wayombonggema ngicngacfocga yeneac ubaga manganeu meficyunubesena. Ge godzufakaga wama makpekpea yeneac ubaga manganebeso. Ifi amma gombunga kekecac nasoga mehereenade gedang.”

28 Anu ngictau Newukadnetsar yearu imoc sasawa fingecdarec. 29 Afo twelf wisickemanu ngictau ye Bawelac ngictauac amakerengaac ama witiau^b kengha amma 30 yofi deec, “Bawel ye wiac engena. Ni imoc ngictaukekecna femanu imohai kecbadeac negemma kuctoanango meai nga ni ngictau engena kibikperaginagoc imocngo edzacyunude!”

31 Nga ngictau ye yoac ifi dema kecmanungoc kurumennunac ubaudumeng mong fingecma yofi deec,

33 Anu aua mocgu mi wisickemanu yoac imocac fora Newukadnetsararu fingerec. Yeni ye ngicngac yenearunac kisanggec kemma burumaka isoc kpindzing nema kefu sawaunac asomeng dzimbongngo sebia heiu boroc boroc anec. Amma kecmanu orucdzoeya yadima herea hasaukpesac neng yeneac dzongina isoc anu soria imoc neng yeneac sori isocngoc anec.

34 Anu naso imocac wisic wisickeau Newukadnetsar ni kicna fiba kurumennu enu negen negenna monggoc ireckeec. Ireckeu Engenatoa kenehema kecengkecbesande ye eweheihei ammima yofi dema dengereai,

36 Ifi debare naso imohaingoc negen negenna monggoc irecketegerec. Anu eucererenna eweheiheigoc anudeac ngictaukekecna amma kibikperagina nearu monggoc dzigeneec. Nga ni yoac negen negengagoc edenuandae amma ngic eweheiheinginagoc warac nigoc kecgec, yeneng nearu hagec. Hama eucererennau monggoc fainugec nga ni monggoc torokpema engena yombong anai. 37 Imocac amma Newukadnetsar neng yaguc kurumenggac Ngictau engena dengerema afehema eweheihei ammiduae.