Mitiyegec 137

Bawel doku tegiau

137

Neni Bawel bangecac doku tegiau tacma Tsion negensima kiacma^a 2 gitanina ic fawau gbedickeing.

3 Ngic yeneng menunuma kemma ebic meficgenemmegec, yeneng ubangerec meficgegecdeac degec, “Ngeni Tsionggac yegec heigec negenni.”

4 Neni ine kuric bangecfu kecma Kebuac yegec heinideac obohodimbe.

5 Yerusalaim, ni geac nigecnuudeu marifoinango dzanggema kuha kpac ambeso. 6 Yerusalaim imoc neac sogac sogaiac enaratoa, ni ifi mi negemma geac nigecnuudeu nedzarannango ngorucbonnau mendanggebeso.

7 O Kebu, ngic yeneng Yerusalaim kpetotiegec, naso imohai Edomgac ngic yeneng degec, “Kpembarackegec, kpembarackegec mama seringau wisickeu.” Kebu ge imoc negenna febeso.

8 ^bO Bawelgac naroang, ge kpetotiegugecdeac areng, imoc bic degenggec. Ge mangana anennecac ngic mong ye imocac turunga merenude, ye kenehagoc. 9 Mong ye geac sabac mema hoc peperandziu yunuma kpebucyunuude, ye kenehagoc.