Tsionggac kekec mengerena
Hombannu kekenggac yegec.
126
Kebungo Tsion monggoc mengereu ngicngacfora naric kecgec, naso imohai nenang negenni imoc gau negendimbe isoc anec.a 2 Nenang enacbibicfu dzomocngo wakeu sogac sogaiac yegecngo nedzaranninau feu bangec monnunac ngicngac botucnginau degec, “Kebungo yeni wiac kuneng yombong ayemmeec.”3 Kebungo wiac kuneng yombong anemmeecac nenang sogac sogaingo mewakenunuude.
4 O Kebu, ge Negewe bangec kisiu dokukperemeng gbangge gbanggea, yeni mengereyununa doku monggoc haande, ge ifi isoc monggoc mengerenununa naric kecni. 5 Ngicngac kickumagoc wiac homecandae, ngeni sogac sogaigoc arohoma fora megecde.b 6 Ngicngac ngeni kiac ubamanganggoc kemma wit komoha tofohogec. Nga ngade wit gbomea bodangagoc tofohoma amanginau dzigene hama sogaima arohogecde.