Kebungo onggonnuude
Hombannu kekenggac yegec. Dawidngo yegec yofi heiec.
124
Isracel ngeni yofi debisia, “Kebungo nenanggoc mi kecbacfu neni dafi ambesonga obohobing.”2 Ngic yeneng yacma nunubeso anggec, imohai Kebungo nenanggoc mi kecbacfu 3 yeneng nenanggac herebu kuneng negemma gboringoc gbokonunubau. 4 Tunggbaungngo meicnunubac me doku dundungngo nebucnunubau. 5 Amma dokutoa kucnginagoc yeneng semenunudacbau.
6 Kebu keneheni.a Ye onggonnunuu yeneac enacfu mi ening. 7 Uficngic yeneng ufic faigec nga nengngo uficfunac woraande, ifi isoc woraing. Ufic imoc barackeu uficfunac woraing.
8 Kebungo kurumeng nga bangec meficgeec. Nga memeficnina imoc yeac kpacfu fede.