<<    <     Mitiyegec     121     >    >> 
Kebu ye kasonina
Hombannu kekenggac yegec.
121
Ni kicna tikiu fiba ende. Ni memeficac obohoduae, imocngo dahacnac haude, ifi kpesiduae.a 2 Kebungo kurumeng nga bangec meficgeec nga memeficna yearunac haude.b
3 Kebu genggareng anggengkecde, yeng gau mi feude, kpac. Ye haniga garenggeu seria nanu wiac mongngo meu goroc goroc naric mi anude.c 4 Negenggec, Kebu Isracel habu onggongyunuande, ye gaunec mong mi feande nga gau ebira mong mi feude. 5 Kebungo onggongguma marifoigau nanu ge yeac debannu kecna 6 wenacfu wenacngo mi guude nga tofocnac afongo mi memanganeguude.d
7 Kebungo onggongguu yarefaka hania hania fede, imocngo naric mi memaguude. Kebu ye kekecga onggonggeude.e 8 Ge amaunac manade me amau ennade dena Kebungo yofinenggac nga nasoya nasoya onggonggukefude nga onggonggukecbesande.f
© 2019, Wycliffe Bible Translators, Inc., Orlando, FL 35862-8200 USA (www.Wycliffe.org); Audio: ℗ 2012, Wycliffe Bible Translators, Inc. — Visit www.ScriptureEarth.org/ded for more Scripture resources in Dedua.