Engentoango wosoefac anemmeude
113
Kebu eriendzong memini, hallelu Yac. O, Kebuac kingang ngicfora, ngeni Kebu oyang boyang memima Kebuac kpac kuneng heiwayong memibisia.2 Kebuac kpac kuneng, imoc yaguc kenehema nasoya nasoya kenehekecni. 3 Wenac ere ereaunac kengkecma wenac keme kemeau wisickede, imohai Kebuac kpac kuneng heiwayong memigec.
4 Kebungo bangeha bangeha ngicngacareng feracyunuma kecde. Yeac kuc kibikperagigoc, imoc kurumenga kurumenga feracyunuma emma feude. 5 Kebu Anutunina kecde, ye isoc mongngo mi kecde, kpac yombong. Ye wi tatahau tacma 6 kiwa fiu mau kurumenga kurumenga nga bangec yenenude. 7 Yeng ngic makpekpea sendunnunac memiacyunuude nga ngicngac iwaiac obohoma kecandae, yeni hamaseucfunac meyunuu eregecde. 8 Eregec yeng ngictauac medacfocngina yenigoc tatacfu faiyunuu tacgecde. Ye ngicngacfora yeneac ngictauac medacfocngina, yenigoc faiyunuude.
9 Ye ngac kufing amagerec miu yeng ihai sabac nonggea amma sogaima kefude.
Kebu eriendzong memibesonga.