Ge bic hama meficnuna
Yegecgareng yearu. Dawidngo nunumuac mitiyegec yofi heiec.
70
O Anutu,
ge hama ebicfunac mesinubesena.
O Kebu,
ge bic hama meficnuna.a
2 Ngic kpebucnubeso andae,
yeni geng negemmana game kpekpeu faiyunugec oboc kpoboc ambisia.
Nga memanganenubeso ayemmeande,
geng yeni memayununa eweheiheia kpac kecma dzigenebisia.
3 Ngic yofi denengandae,
“Naric yombong,
naric yombong.”
yeni yenang gameyunuu dzigenebisia.
4 Anu ngicngac ge hofocgudae,
yeni geac amma sogaima ubangerec negenggec ngicngac geac memengerecga songogoc hoanggeandae,
yeni monggoc nga monggoc yofi debisia,
“Anutu ye engenatoa.”
5 Ni ine makpekpea amma iwaiac obohoma kecduae.
O Anutu,
ge nearu bic hana.
Ge memeficna nga ebicfunac yungec yungecngicna.
O Kebu,
ge naso mi ukuma nearu bic hana.